سپورت • 12 ماۋسىم، 2019

جازعى ۋنيۆەرسيادا ءوز مارەسىنە جەتتى

481 رەتكورسەتىلدى

قازاقستان رەسپۋبليكاسى ءبىلىم جانە عىلىم مينيسترلىگى ۇلتتىق عىلىمي-پراكتيكالىق دەنە تاربيەسى ورتالىعى ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ ۇيىمداستىرۋىمەن X جازعى ۋنيۆەرسيادانىڭ جابىلۋ سالتاناتى ءوتتى.

سالتاناتتى جابىلۋ راسىمىنە ۇلتتىق عىلىمي-پراكتيكالىق دەنە تاربيەسى ورتالىعىنىڭ باس ديرەكتورى، «قازاقستان رەسپۋبليكاسى قۇرمەتتى سپورت قايراتكەرى» سادىق مۇس­تافاەۆ، اقتوبە قالاسىنىڭ اكىمى ءىلياس يسپانوۆ، اقتوبە وبلىستىق دەنە شىنىقتىرۋ جانە سپورت باسقارماسىنىڭ باسشىسى مەيرامبەك ماحامبەتوۆ،  ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ رەكتورى باۋىرجان ەردەمبەكوۆ، مارات وسپانوۆ اتىنداعى باتىس قازاقستان مەديتسينا ۋنيۆەرسيتەتىنىڭ رەكتورى مۇرات تەلەۋوۆ،  ق. جۇبانوۆ اتىنداعى ءاومۋ فاكۋلتەت دەكانى سابىرجان مۇحتاروۆ، م. وسپانوۆ اتىنداعى بقمۋ دەنە تاربيەسى كافەدراسىنىڭ جەتەكشىسى ەركىن جەتيمەكوۆتار قاتىستى.

- بۇگىنگى تاڭدا ستۋدەنتتەر سپورتىنا دەگەن قىزىعۋشىلىق ارتۋدا. وعان دالەل، تالدىقورعان قالاسىنداعى ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىندە وتكەن ءىح-شى جازعى ۋنيۆەرسياداعا  52 جوعارى وقۋ ورنىنىڭ ستۋدەنتتەرىنەن 359 كوماندا ساپىندا 2943 سپورتشى قاتىسسا، ال بيىلعى ح-شى جازعى ۋنيۆەرسياداعا  62 جوعارى وقۋ ورىن ستۋدەنتتەرىنەن 480 كوماندا ساپىندا 4025 سپورتشى قاتىستى. ۇلتتىق ورتالىقتىڭ باستاماسىمەن العاش رەت رەسپۋبليكالىق ۋنيۆەرسيادانىڭ جەڭىمپازدارى ەلىمىزدىڭ نامىسىن قورعاۋ ءۇشىن وسى جىلى وتەتىن نەاپول (يتاليا) قالاسىنداعى ححح-شى جازعى بۇكىلالەمدىك ۋنيۆەرسياداعا جولداما الدى.  قۇرمەتتى ارىپتەستەر، جاستار اراسىندا سپورتتى كەڭىنەن ناسيحاتتاپ، ستۋدەنتتەر سپورتىنا، بۇقارالىق سپورتقا  اسا كوڭىل ءبولىپ،  قارقىندى دامۋىنا ۇلەس قوسايىق. ءبىلىم جانە عىلىم مينيتسرلىگىنىڭ اتىنان ۋنيۆەرسيادانىڭ جابىلۋ سالتاناتىندا شىمىرلىققا شىنىققان ستۋدەنتتتەرگە، جاتتىقتىرۋشىلارعا، اقتوبە وبلىسىنىڭ اكىمدىگىنە، مارات وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنە، ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنە، ءدۇبىرلى دودانى  ۇيىمداستىرىپ، وتكىزگەنى ءۇشىن العىسىمدى بىلدىرەمىن.»، - دەدى ورتالىقتىڭ باس ديرەكتورى سادىق مۇستافاەۆ.     

ۋنيۆەرسيادا جارىستارىن ۇيىمداس­تىرۋ­شىلار، جەڭىمپازدار مەن جۇلدەگەرلەر، ولاردىڭ   وقىتۋشىلارى مەن جات­تىقتىرۋشىلارى  قازاقستان رەسپۋب­لي­كاسىنىڭ  ءبىلىم جانە عىلىم ءمينيسترى كۇلاش نوعاتايقىزى ءشامشيدينوۆانىڭ  گراموتاسىمەن، ۇلتتىق عىلىمي-پراك­تيكالىق دەنە تاربيەسى ورتالىعىنىڭ العىس حاتىمەن،  ەستەلىك مەدالدارمەن جانە «دەنە شىنىقتىرۋ سالاسىنىڭ ۇزدىك قىزمەتكەرى»  توسبەلگىسىمەن ماراپاتتالدى.

جالپى كوماندالىق ەسەپ بويىنشا ءبىرىنشى ورىندى ءال-فارابي اتىنداعى قازاق ۇلتتىق ۋنيۆەرسيتەتىنىڭ كومان­داسى، جۇلدەلى ەكىنشى، ءۇشىنشى ورىنداردى جۇبانوۆ ۋنيۆەرسيتەتىنىڭ كومانداسى جانە ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ كومانداسى ەنشىلەسە، ح.دۋلاتي اتىنداعى تاراز مەملەكەتتىك ۋنيۆەرسيتەتى، ق.ا.ياساۋي اتىنداعى قازاق-تۇرىك ۋنيۆەرسيتەتى جانە  س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ كوماندالارى 4–6 ورىندى قاناعات تۇتتى.

مەرەكەلىك كەش سوڭىندا م.وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتى مەن ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ ح-شى جازعى ۋنيۆەرسياداسىنىڭ ۇيىمداستىرۋشىلارى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ وكىلىنە ۋنيۆەرسيادا تۋىن تابىستادى.

ايتا كەتەيىك، ح-شى جازعى ۋنيۆەرسيادا جارىستارى ەلىمىزدىڭ 7 قالاسىندا  (الماتى، ورال، وسكەمەن، شىمكەنت، تاراز، سەمەي جانە اقتوبە)          وتكىزىلدى. ۋنيۆەرسيادا سپورتتىڭ 31 تۇرىنەن 38 جارىس وتكىزىلدى. 

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار