سۇحبات • 11 ماۋسىم، 2019

باكۋدە حالىقارالىق تۇركى الەمى زەرتتەۋلەرى سيمپوزيۋمى وتەدى

618 رەتكورسەتىلدى

ماۋسىم ايىنىڭ 13-15 كۇندەرى ازەربايجان استاناسى باكۋ قالاسىندا حالىقارالىق تۇركى الەمى زەرتتەۋلەرى سيمپوزيۋمى وتەدى.

التىنشى رەت ۇيىمداستىرىلاتىن القالى جيىن بۇل جولى باكۋ ەۋرازيا ۋنيۆەرسيتەتىنىڭ مۇرىندىق بولۋىمەن وتپەك. ءداستۇرلى شارانىڭ رەسمي ءبولىمى 13-ماۋسىم كۇنى باكۋ قالاسىنداعى «Caspian Business Hotel» قوناق ءۇيىنىڭ كونفەرەنس زالىندا اشىلادى.

قىزدار ۋنيۆەرسيتەتىنىڭ ءباسپاسوز جانە قوعاممەن ءبايلانىس بولىمىنىڭ باسشىسى جاندار اساننىڭ ايتۋىنشا، باسقوسۋعا تۇركيا، قازاقستان، ازەربايجان، قىرعىزستان، وزبەكستان، تاتارستان مەن باشقۇرتستاننان 400-گە جۋىق عالىم، مەملەكەت جانە قوعام قايراتكەرى قاتىسادى. ونىڭ ىشىندە قازاق ۇلتتىق قىزدار پەداگوگيكالىق ۋنيۆەرسيتەتىنەن 30-دان استام عالىم مەن قىزمەتكەر بار.

– الەمدەگى عىلىم، ءبىلىم سالاسىندا تۇركى الەمىنە قاتىستى زەرتتەۋ جاساپ جۇرگەن عالىمداردىڭ باسىن قوسىپ، عىلىمي باعىتتا پىكىر الماسۋدى قامتاماسىز ەتۋ، جاڭا عىلىمي زەرتتەۋلەرگە جول اشىپ، تۇركى الەمى ادەبيەتى مەن مادەنيەتىنىڭ كەڭەيۋىنە ىقپال جاساۋ - سيمپوزيۋمنىڭ باستى ماقساتى، – دەپ اتاپ ءوتتى جاندار اسان.

باسقوسۋدا عالىمدار پەداگوگيكا، ءتىل، ادەبيەت، تاريح، مادەنيەت، ونەر، حالىقارالىق قاتىناستار، ەكونوميكا، فيلوسوفيا، الەۋمەتتانۋ، گەندەرلىك ت.ب. ماسەلەلەر جايىندا جانە جاراتىلىستانۋ عىلىمدارى سالاسىندا پىكىر الماسىپ، بولاشاقتا تۇركى الەمىندە ورتاق عىلىمي جوبالاردى جۇزەگە اسىرۋ تۋراسىندا ۋاعدالاسپاق. سيمپوزيۋم ءتۇبى ءبىر تۇركى حالىقتارىنىڭ ءوزارا ىنتىماقتاستىعىنىڭ نىعايۋىن، الەمدە بەيبىتشىلىك پەن تىنىشتىقتىڭ قامتاماسىز ەتىلۋىن كوزدەيدى.

سيمپوزيۋم «جاھاندىق باسەكەگە قابىلەتتى فيلولوگ مامان دايارلاۋدىڭ قازاقستاندىق جانە الەمدىك تاجىريبەسى»، «رۋحاني جاڭعىرۋ: ادەبيەت ارقىلى ۇلتتىق سانانى كەمەلدەندىرۋ»، «جاھاندىق ءبىلىم بەرۋ جۇيەسى: الەۋمەتتىك-گۋمانيتارلىق پاندەردى جاڭاشا وقىتۋ ادىستەمەسى»، «لاتىن گرافيكاسى: تاريحى، تەورياسى جانە وقىتۋ ادىستەمەسى»، «تۇركى قاۋىمى: تاريحى مەن مادەنيەتى»، «قازىرگى زامانداعى ءبىلىم بەرۋ ءۇردىسىنىڭ ۇلتتىق جانە حالىقارالىق دامۋ تەندەنسياسى» جانە «تۇركى تىلدەس مەملەكەتتەردەگى گەندەرلىك ءبىلىم بەرۋدىڭ وزەكتى ماسەلەلەرى» باعىتتارى بويىنشا وتكىزىلمەك. سيمپوزيۋمنىڭ رەسمي تىلدەرى – ؛تۇركى تىلدەرى.

ايتا كەتەيىك، تۇركيانىڭ نييدە ومەر حاليسدەمير ۋنيۆەرسيتەتى، قازاق ۇلتتىق قىزدار پەداگوگيكالىق ۋنيۆەرسيتەتى، باكۋ ەۋرازيا ۋنيۆەرسيتەتى جانە م. اكمۋللا باشقۇرت مەملەكەتتىك پەداگوگيكالىق ۋنيۆەرسيتەتىنىڭ ۇيىتقى بولۋىمەن حالىقارالىق تۇركى الەمى زەرتتەۋلەرى سيمپوزيۋمى العاش رەت تۇركيانىڭ ومەر حاليسدەمير ۋنيۆەرسيتەتىندە 2014 جىلدىڭ 18-21 ناۋرىز كۇندەرى ارالىعىندا وتكەن بولاتىن. سونىمەن قاتار، شارا اياسىندا اتالعان جوعارى وقۋ ورىندارىنىڭ ستۋدەنتتەرىنىڭ قاتىسۋىمەن ء«تۇبىمىز ءبىر تۇرىكپىز» فەستيۆالى دا تۇراقتى تۇردە ۇيىمداستىرىلىپ كەلەدى.


باننەر
سوڭعى جاڭالىقتار

ليساكوۆتىڭ «بايتەرەگى»

ايماقتار • كەشە

وقۋ مادەنيەتى

قوعام • كەشە

الاشتىڭ ايبوز ابىزى

رۋحانيات • كەشە

حالىق پىكىرىنە قۇرمەت

ساياسات • كەشە

اقتوبە وبلىسى جىلىتۋ ماۋسىمىنا دايىن

ايماقتار • 19 قىركۇيەك، 2019

ۇقساس جاڭالىقتار