سايلاۋ • 09 ماۋسىم، 2019

قر پرەزيدەنتتىگىنە ۇمىتكەر تولەۋتاي راحىمبەكوۆ داۋىس بەردى

267 رەت كورسەتىلدى

«اۋىل» حالىقتىق دەموكراتيالىق پارتياسىنان قر پرەزيدەنتتىگىنە كانديدات تولەۋتاي راقىمبەكوۆ استاناداعى ۇلتتىق مۋزەيدە ورنالاسقان №52 سايلاۋ ۋچاسكەسىنە ساعات تۋرا 10.00-دە داۋىس بەرۋگە كەلدى. قاسىندا زايىبى سالتانات، قىزى عاليا جانە ەكى نەمەرەسى بولدى. كانديدات جۋرناليستەرگە بەرگەن شاعىن سۇحباتىندا كوڭىل كۇيىنىڭ جاقسى ەكەندىگىن، دەگەنمەن بويىندا ازداعان تولعانىستىڭ دا بار ەكەندىگىن ايتتى.

- بۇگىنگى كۇندى قازاقستان تاريحىنداعى ەلەۋلى كۇن دەپ ەسەپتەيمىن. ەل ءۇمىتىن اقتايمىن دەگەن 7 كانديدات سايلاۋعا تۇستىك. باعدارلامامىزدى جاريالادىق. سوعان ساي بۇگىن حالىق ءوز تاڭداۋىن جاسايتىن كۇن. ءوزىم سايلاۋ الدىنداعى ناسيحات جۇمىستارىنا بايلانىستى جانە حالىقتىڭ تالاپ-تىلەكتەرىن تىڭداۋ ماقساتىندا ەلىمىزدىڭ 17 وڭىرىندە دە بولدىم. جالپى بايقاعانىم، حالىقتىڭ كوڭىل كۇيى جامان ەمەس. بىراق پروبلەمالاردى دا از ايتقان جوق. سوعان وراي وسى سايلاۋدا كىم سايلانسا دا، حالىقتىڭ جان ايقايىن ەستيتىن كانديدات جەڭىسكە جەتسە ەكەن دەگەن تىلەكتەمىن، - دەگەن تولەۋتاي ساتاي ۇلى ءوزىنىڭ جەڭىسكە دەگەن سەنىمى بار ەكەندىگىن ايتىپ ءوتتى. جۋرناليستەردىڭ قويعان سۇراقتارىنا جاۋاپ بەرە كەلە ناسيحات جۇرگىزۋگە بەرگەن ءبىر اي ۋاقىت جەتكىلىكتى بولعاندىعىن، حالىقتى ارالاۋ بارىسىندا ەل ىشىنەن وعاش وقيعالاردى بايقاماعاندىعىن ايتتى. مۇنان كەيىن سايلاۋشى رەتىندە داۋىس بەرىپ، ءوز تاڭداۋىن جاسادى.

ۇلتتىق مۋزەيدە ورنالاسقان №52 سايلاۋ ۋچاسكەسىنىڭ توراعاسى باتىرحان جۇماباەۆ جۋرناليستەرگە بۇل ۋچاسكەدە 4661 ادامنىڭ سايلاۋشى رەتىندە تىركەلگەندىگىن، ساعات 9.00-گە دەيىن سولاردىڭ 10 پايىزى داۋىس بەرىپ ۇلگەرگەندىگىن، ازىرگە ءتارتىپ، زاڭ بۇزۋ، باسقاداي ءبىر وعاش وقيعالاردىڭ تىركەلمەگەندىگىن، سايلاۋ بارىسىن پارتيالار اتىنان تىركەلگەن 5 باقىلاۋشىنىڭ قاداعالاپ وتىرعاندىعىن ايتىپ ءوتتى. ولار – نۇر وتان، ۇلت تاعدىرى، كوممۋنيستەر، كاسىپوداقتار، امانات پارتيالارىنىڭ وكىلدەرى.

- سايلاۋ ۋچاسكەمىزگە داۋىس بەرۋگە العاشقى بولىپ اقساقال ادام كەلدى. ول كىسى كۋالىگىن ۇمىتىپ كەتكەن ەكەن. ەرىنبەي ۇيىنە بارىپ، كۋالىگىن الىپ كەلىپ، العاشقى بولىپ داۋىس بەردى. ءسويتىپ العاشقى سايلاۋشى رەتىندە سىيلىققا يە بولدى. سونداي-اق كامەلەت جاسىنا تولىپ، ءبىرىنشى رەت داۋىس بەرگەن جاستارعا ءدال وسى كۇنى تۋعان ادامعا، جيىنى 10-عا تارتا ادامعا سىيلىق بەردىك. ءتۇرلى دەنساۋلىق جاعدايىنا، قارتتىعىنا بايلانىستى ءبىراز ادامنان ۇيىندە داۋىس بەرۋگە وتىنىشتەر ءتۇستى. ساعات 12-دەن كەيىن ۇيلەرىنە داۋىس بەرۋ جاشىگىن اپارىپ، ولاردىڭ دا داۋىسىن الاتىن بولامىز، – دەپ مالىمدەدى ول.

ت.راقىمبەكوۆتى قر پرەزيدەنتىگىنە كانديدات رەتىندە ۇسىنعان «اۋىل» پارتياسى سايلاۋ شتابى توراعاسىنىڭ ورىنباسارى عازيز تاستاەۆ ءوز كانديداتتارىنىڭ ناسيحات جۇمىستارىن بەلسەندى تۇردە جۇرگىزگەندىگىن، ءبارى دە سايلاۋ زاڭدىلىعىنا سايكەس وتكەندىگىن ايتىپ بەردى.  

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار