«بىراق ءبىز وسى سايلاۋدىڭ اياسىندا مۇمكىندىگىنشە بەلسەندى ارەكەت ەتۋگە تىرىستىق. ەڭ باستى ناتيجە وسى سايلاۋدىڭ ساياسي پروتسەسس رەتىندەگى شارىقتاعان شىڭى - داۋىستاردى ەسەپتەۋ جانە پروتوكولداردى تولتىرۋ. قازاقستاندىقتار تەك قانا سايلاۋ قۇقىعىن عانا پايدالانعىسى كەلمەيدى, ولار باقىلاۋ قۇقىعىن دا پايدالانعىسى كەلەدى. قازىر كوپتەگەن تاۋەلسىز باقىلاۋشىلاردىڭ جەلىسى قۇرىلىپ جاتىر. ولاردىڭ بىزگە ەشقانداي قاتىسى جوق. ءبىز شتابتارىمىزدىڭ اتىنان عانا ايتا الامىز. بىراق باعانى بەرەتىن تاۋەلسىز باقىلاۋشىلار», دەدى ءا.قوسانوۆ.
بۇدان ءارى كانديدات قازاقستاندا ترانزيتتىك بيلىك باستالعانىن ايتتى.
«قازاقستاندا ترانزيت باستالدى. تۇڭعىش پرەزيدەنت-ەلباسى نۇرسۇلتان نازارباەۆ فورمالدى تۇردە پرەزيدەنت ورنىنان كەتتى. ودان سوڭ, ەكىنشى ادام كەلدى. ال بۇل سايلاۋدا كەلەسى كىم بولاتىنى شەشىلىپ جاتىر. بۇل جاندى, تابيعي پروتسەسس دەپ ويلايمىن. حالىق وسىعان ارالاسۋى كەرەك. كەز كەلگەن ازامات ءوز كانديداتىن قولداي الادى. بۇگىنگى كەشكى 20:00- گە دەيىن ۋاقىت بار. سايلاۋشىلاردى قالاعان كانديداتىنا داۋىس بەرۋگە شاقىرامىن», دەدى ءامىرجان قوسانوۆ.
№57 سايلاۋ ۋچاسكەسىنىڭ xاتشىسى ساندۋعاش ءماجيتوۆانىڭ ايتۋىنشا, اتالعان ۋچاسكە بويىنشا 4503 ادام تىركەلگەن. سونىڭ ىشىندە العاش رەت داۋىس بەرۋشىلەر دە بار. ولارعا ۋچاسكەدە ارنايى سىيلىقتار بەرىلدى.
