وندا اراب ەلدەرىنىڭ ليدەرلەرى پارسى شىعاناعىنداعى ساۋديانىڭ مۇناي قۇبىرلارى مەن بىرىككەن اراب امىرلىكتەرىنىڭ تانكەرلەرىنە قارسى جاسالعان شابۋىلداردى تالقىلادى. ەر-رياد «انسار اللا» شيتتىك قوزعالىسىنىڭ ءتوڭكەرىسشى حۋسيتتەر توبى جاساعان بۇل شابۋىلدارىنىڭ سىرتىندا يران تۇر دەپ ايىپتادى. حالىقارالىق اگەنتتىكتەردىڭ حابارلاۋىنا قاراعاندا, سامميتكە قاتىسقان اراب مەملەكەتتەرىنىڭ باسشىلارى ساۋد ارابياسىنىڭ ءپىكىرىن قولداپ, يرانعا قارسى سانكتسيالاردى كۇشەيتۋ كەرەك دەگەن شەشىم قابىلداعان. كەزدەسۋ قورىتىندىسى بويىنشا جاسالعان مالىمدەمەدە جوعارىدا اتالعان ينتسيدەنتكە ءتوڭكەرىسشىل-حۋسيتتەر كىنالى ەكەندىگى, ال ولاردىڭ ارتىندا تەگەران تۇرعانى اشىپ كورسەتىلگەن. سونىمەن قاتار ءمالىمدەمەدە يران سيريا داعدارىسىن جانداندىرۋشى جانە باحرەيننىڭ ىشكى ىسىنە ارالاسۋشى دەپ ايىپتالادى. «يرانمەن ىنتىماقتاستىق تەك ونىڭ باسقا مەملەكەتتەردىڭ ىشكى ءىسىنە ارالاسپاعاندا عانا بولۋى ءمۇمكىن» دەپ اتاپ كورسەتىلگەن ءمالىمدەمەدە.
وسى جيىننىڭ الدىندا مەككەدە بولعان پارسى شىعاناعى جاعالاۋىنداعى اراب مەملەكەتتەرى ىنتىماقتاستىعىنىڭ كەڭەسى دە ءدال وسى مازمۇنداعى ءمالىمدەمە جاريالاعان ەدى. بۇل كەڭەسكە التى مەملەكەت مۇشە. وسى فورۋمدى دا «ايماقتاعى جاعدايدىڭ كۇرت ناشارلاپ كەتۋىنە بايلانىستى» دەگەن سەبەپپەن ساۋديانىڭ كورولى شاقىرعان.
ءوز تاراپىنان يران بۇل ءمالىمدەمەلەردەگى ايىپتاردى جوققا شىعارىپ, ەر-ريادتىڭ قاسيەتتى رامازان ايىندا اقش-تى قولداۋ ساياساتى ءۇشىن سامميت ۇيىمداستىرعانىن ايىپتادى.
ءبىز بۇعان دەيىنگى «تاياۋ شىعىس تاعى تولقىپ تۇر» اتتى ماقالامىزدا («ەق», 31.01.2019 ج.) يران مەن اقش اراسىنىڭ قاتتى سۋىسىپ كەتۋ سەبەپتەرى تۋرالى جازعان بولاتىنبىز.
وسى سامميتتەردىڭ الدىندا ساۋديانىڭ سىرتقى ءىستەر جونىندەگى مەملەكەتتىك مينيسترى ادەل ءال-دجۋبەير ەر-ريادتا جاساعان ءباسپاسوز-كونفەرەنتسياسىندا ساۋد ارابياسى تاياۋ شىعىستا سوعىس وتىن تۇتاتپاۋ جولىندا قولىنان كەلگەن ءىستىڭ ءبارىن جاسايتىن بولادى دەپ جاريالاعان. «سوعىس ايماقتاعى بارلىق ەلدەرگە دە قاسىرەت اكەلەدى. سوندىقتان ءبىز ونى بولدىرماۋعا بارلىق كۇش-جىگەرىمىزدى جۇمسايتىن بولامىز», دەدى ول.
