حالىقارالىق ديالوگ الاڭىن قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ قولداۋىمەن اباي اتىنداعى قازۇپۋ, سوربوننا-قازاقستان ينستيتۋتى جانە «استانا» حالىقارالىق قارجى ورتالىعى ۇيىمداستىردى.
حالىقارالىق دوڭگەلەك ۇستەل جۇمىسىنا قازۇپۋ رەكتورى تاكير بالىقباەۆ, قازاقستان رەسپۋبليكاسى تۇڭعىش پرەزيدەنتى - ەلباسى قورىنىڭ اتقارۋشى ديرەكتورىنىڭ ورىنباسارى, قازاقستان رەسپۋبليكاسىنىڭ ەۋروپا كەڭەسىندەگى ۆەنەتسياندىق كوميسسيانىڭ مۇشەسى يگور روگوۆ, «استانا» حالىقارالىق قارجى ورتالىعىنىڭ يسلامدىق قارجىلاندىرۋ بويىنشا ديرەكتورى, حالىقارالىق اربيتراج ورتالىعى اربيترلەر كوللەگياسىنىڭ مۇشەسى, يسلامدىق قارجىلاندىرۋ بويىنشا كونسۋلتاتيۆتىك كەڭەسىنىڭ مۇشەسى شەيح بيلال حان, د.ا. قوناەۆ اتىنداعى ەۋرازيالىق زاڭ اكادەمياسىنىڭ رەكتورى ءومىرالى جالايري, فرانتسيا ەلشىلىگىنىڭ اتتاشەسى, سوربوننا-قازاقستان ينستيتۋتىنىڭ قوسالقى ديرەكتورى, حالىقارالىق قاتىناستار سالاسىنىڭ مامانى جيل مامەتتس, سوربوننا-قازاقستان ينستيتۋتىنىڭ ديرەكتورى اينۇر ءسابيتوۆا, الماتىداعى جوعارعى وقۋ ورىندارىنىڭ عالىمدارى, قارجى جانە قۇقىق سالاسىنداعى فرانتسيا رەسپۋبليكاسىنىڭ ماماندارى, فرانتسيا-قازاقستان ساۋدا-ونەركاسىپ پالاتاسى, مامان ساراپشىلار جانە ۋنيۆەرسيتەتتىڭ پروفەسسور-وقىتۋشىلار قۇرامى مەن دوكتورانتتارى قاتىستى.
رەكتور تاكير بالىقباەۆ حالىقارالىق ديالوگ الاڭىنداعى تالقىلاناتىن وزەكتى ماسەلەلەردى اتاپ, ولاردىڭ قۇقىق جانە حالىقارالىق قۇقىق سالاسىنداعى جەتىستىكتەرمەن بولىسۋدە, بىلىمدەرىن زەرتتەۋدە جانە تاجىريبەلەرمەن الماسۋدا بەرەتىن وراسان زور مۇمكىندىكتەرى تۋرالى ايتتى.
«ءبىز «استانا» حالىقارالىق قارجى ورتالىعىمەن بىرلەسە وتىرىپ, قازۇپۋ بازاسىندا ءبىر اي بۇرىن ارنايى ورتالىق قۇردىق, وندا ستۋدەنتتەر قۇقىقتىق جانە قارجىلىق ماسەلەلەر بويىنشا كەڭەس الادى. ء بىز جاڭا اقپاراتتىق الاڭ بولۋعا دايىنبىز جانە ونى ىسكە اسىرۋ جانە تاراتۋ, ىنتىماقتاستىقتى دامىتۋ ءۇشىن سىزدەرمەن بىرگە جۇمىس ىستەيمىز. «Cases law» ورتالىعىندا باسقا جوعارى وقۋ ورىندارى وسى مۇمكىندىكتى پايدالانا الادى», - دەدى ۋنيۆەرسيتەت رەكتورى.
دوڭگەلەك ۇستەل جۇمىسىندا اعىلشىن جالپى قۇقىعىنىڭ ارتىقشىلىعى جانە «استانا» حالىقارالىق قارجى ورتالىعىنىڭ تاجىريبەسى, قارجىلىق تەحنولوگيالار-ماسەلەلەر جانە مۇمكىندىكتەرى, «استانا» حقو مەن سوربوننا-قازاقستان ينستيتۋتىنىڭ بىرلەسكەن جۇمىسىنىڭ ناتيجەسى, قازاقستان رەسپۋبليكاسىنداعى شەتەل بانكتەرىندەگى باقىلاۋدىڭ كومپلاەنس قىزمەتىن قۇقىقتىق رەتتەۋدىڭ نەگىزدەرى جانە ەۋروپا قۇرلىقتىق قۇقىق جۇيەسى بار مەملەكەتتەردە پرەتسەدەنتتىك قۇقىقتى يمپلەمەنتاتسيالاۋ ماسەلەسى تالقىلاندى.
حالىقارالىق ديالوگ الاڭىندا يگور روگوۆ (ەۋروپالىق قۇرلىقتىق قۇقىق جۇيەسى بار مەملەكەتتەردە پرەتسەدەنتتىك قۇقىقتى يمپلەمەنتاتسيالاۋ ماسەلەسى»), شەيح بيلال حان ( «اعىلشىن جالپى قۇقىعىنىڭ ارتىقشىلىعى جانە «استانا» حقو تاجىريبەسى»), «Deloitte» مامىلەلەردى جۇزەگە اسىرۋ جونىندەگى مەنەدجەر باۋىرجان شالباەۆ («Deloitte» مامىلەلەردى جۇزەگە اسىرۋ جونىندەگى مەنەدجەر), Wooppay حالىقارالىق تولەم جۇيەسىنىڭ نەگىزىن قالاۋشى الەكساندر دوروشەنكو («Fintech Wooppay ەكوجۇيەسى»), «Refinitiv» بيزنەستى دامىتۋ بويىنشا ايماقتىق مەنەدجەر ەدۋارد كان («استانا» حقو مەن سوربوننا-قازاقستان ينستيتۋتىنىڭ بىرلەسكەن جۇمىسىنىڭ ناتيجەسى. Eikon اقپاراتتىق –تەرمينالدى ەنگىزۋ»), ءال-فارابي اتىنداعى قازۇۋ-دىڭ زاڭ فاكۋلتەتىنىڭ دەكانى داۋلەت بايدەلدينوۆ («قازاقستان رەسپۋبليكاسىنداعى شەتەل بانكتەرىندەگى باقىلاۋدىڭ كومپلاەنس قىزمەتىن قۇقىقتىق رەتتەۋدىڭ نەگىزدەرى»), د.ا. قوناەۆ اتىنداعى ەۋرازيالىق زاڭ اكادەمياسىنىڭ پروفەسسورى ورازباي ساماتوۆ («English Law قازاقستان رەسپۋبليكاسىنىڭ قۇقىقتىق جۇيەسى») بايانداما جاسادى.
كەزدەسۋ بارىسىندا قاتىسۋشىلار تالقىلاناتىن تاقىرىپ بويىنشا سۇراقتار قويىپ, پىكىرلەرىمەن الماستى.
