اسەت سەرىكباەۆ جاتتىقتىراتىن بالۋاندار يتاليانىڭ ساسساري قالاسىنداعى تۋرنير اياقتالعان سوڭ, تىكەلەي مينسكىگە جول تارتتى.
مينسكىدە قازاقستاننان بولەك, فرانتسيا, فينليانديا, مولدوۆا, رۋمىنيا, ياكۋتيا, ليتۆا جانە بەلارۋس ەلدەرىنىڭ وكىلدەرى جاتتىعۋدا.
26 مامىردا باستالعان وقۋ-جاتتىعۋ جيىنى 11 ماۋسىمعا دەيىن جالعاسادى.
«يتالياداعى تۋرنيردە بالۋاندارىمىز جاقسى ناتيجە كورسەتتى. قۇراما قورجىنىندا ەكى التىن مەدال بار. جالپى ەسەپتە ءبىرىنشى ورىن يەمدەندىك. بۇل ءبىزدىڭ ەلىمىزدە وتەتىن الەم چەمپيوناتىنا دايىندىق كەزەڭىنىڭ ءبىر بولىگى. ەندى وقۋ-جاتتىعۋ جيىندارىندا شەبەرلىك ارتتىراتىن بولامىز», - دەيدى باس باپكەر اسەت سەرىكباەۆ.
ەسكە سالا كەتەيىك, ساسساريدا وتكەن حالىقارالىق تۋرنيردە ەركىن كۇرەستەن قازاقستان كومانداسى جەتى مەدال جەڭىپ الدى.
