سايلاۋ • 24 مامىر، 2019

سايلاۋشىلارعا بارلىق جاعداي جاسالعان

738 رەت كورسەتىلدى

Cايلاۋدىڭ تازا، اشىق ءارى ءادىل ءوتۋى بەلگىلى ءبىر دارەجەدە اۋماقتىق جانە ۋچاسكەلىك سايلاۋ كوميسسيالارى مۇشەلەرىنىڭ بىلىكتىلىگىنە، قولدانىستاعى زاڭداردى جەتىك بىلۋىنە دە بايلانىستى ەكەنى ءمالىم.

بۇل ورايدا تۇركىستان وب­لىسىندا سايلاۋ كوميس­سيا­لارىنىڭ بارلىق مۇشە­لەرىن كاسكادتىق ادىسپەن ەلەك­­توراتتىق وقىتۋ جۇمىسى جۇرگىزىلگەن. ارنايى كۋرس­تار­دا وبلىس بويىنشا بار­لىعى 6 240 ادام بىلىك­تى­لىكتەرىن ارتتىردى. بۇگىندە بار­­­لىق اۋماقتىق سايلاۋ كو­ميسسيالارىنىڭ ءتور­اعا­لارى مەن حاتشىلارى، اۋماقتىق سايلاۋ كوميسسيا­لارىنىڭ مۇشەلەرى مەم­لەكەتتىك باس­قارۋ اكادەميا­سىنىڭ شىم­كەنت وقىتۋ ورتالىعىندا ءبى­لىكتىلىگىن ارتتىرۋ كۋرستارىنان ءوتىپ، ءتيىستى سەرتيفيكات العان. ال ۋچاسكەلىك سايلاۋ كوميسسيالارىندا قىزمەت ەتەتىن ازاماتتار جەرگىلىكتى جەرلەردە ارنايى كۋرستاردان وتكەن. 

وبلىستىق اۋماقتىق ساي­لاۋ كوميسسياسى ءتور­اعا­سىنىڭ ورىنباسارى ءامىر­دين الىشەۆتىڭ ايتۋىنشا، سايلاۋعا دايىندىق جۇ­مىستارى جوعارى دەڭگەيدە ءجۇر­گىزىلۋدە. بارلىق كاندي­داتتاردىڭ وبلىس دەڭ­گەيىندە جۇمىس ىستەيتىن سە­نىم­دى وكىلدەرى تىركەلىپ، ولارعا ءتيىستى كۋالىكتەرى تاپ­سى­رىلعان. ال جەرگىلىكتى جەر­لەردە، ەلدى مەكەندەردىڭ تۇر­عىندارىمەن تىكەلەي جۇ­مىس ىستەيتىن سەنىمدى وكىلدەر اۋداندىق، قالالىق اۋماقتىق سايلاۋ كوميسسيالارى تاراپىنان تىركەلدى. سايلاۋ ۋچاسكەلەرى زامان تالابى­نا جانە ورتالىق سايلاۋ كوميسسياسى بەكىتكەن نۇسقاۋلىققا ساي قاجەتتى قۇرال-جابدىقتارمەن قامتا­ماسىز ەتىلگەن. جەرگىلىكتى اتقارۋشى ورگاندار اۋماق­تىق سايلاۋ كوميسسيالارىمەن بىرلەسە وتىرىپ، ۇگىت-ناسيحات ماتەريالدارى ورنالاستىرىلاتىن ورىنداردى بەلگىلەگەن. 

شەتەلدىك بايقاۋشىلار، اسىرەسە، ەۋروپاداعى قاۋىپ­سىزدىك جانە ىنتىماقتاستىق ۇيىمى مۇمكىندىگى شەكتەۋلى ازامات­تاردىڭ داۋىس بە­رۋى ماسەلەسىن نازاردان تىس قال­دىرمايتىنى ءما­لىم. «ورتالىق سايلاۋ كوميسسياسى مۇگەدەكتەردىڭ داۋىس بەرۋ قۇقىعىن جۇزەگە اسىرۋىنا بارىنشا قولايلى جاعداي جاساۋ ماسەلەسىنە ايرىقشا نازار اۋدارىپ وتىر. وسى ماسەلەگە قاتىستى نۇسقاۋلىق ەرەجە ورتالىق سايلاۋ كوميسسياسىنىڭ ار­نايى قاۋلىسىمەن بەكى­تىلدى. تۇركىستان وبلىسىندا تىركەلگەن 1 ميلليون 181 684 سايلاۋشىنىڭ 67 741-ءى بەلسەندى داۋىس بەرۋ قۇقىعىنا يە مۇگەدەكتەر. ونىڭ 63 582-ءسى سايلاۋ ۋچاسكەسىنە كەلىپ داۋىس بەرەدى. ءبىز وسى ازاماتتاردىڭ قۇقىقتارىن قورعاۋ ءۇشىن بارلىق سايلاۋ ۋچاسكەلەرىن پاندۋستارمەن جابدىقتادىق. مۇنان بولەك سايلاۋ ۋچاس­كەلەرىندە مۇمكىندىگى شەك­تەۋلى ازاماتتارعا ارنال­عان ارنايى كابينالار مەن بۇرىشتار، سۋردواۋدارما­شىلار، لۋپالار مەن قۇلاق­قاپتار، باسقا دا قاجەتتى قۇرال-جابدىقتار بولادى. سونداي-اق سايلاۋ كۇنى ينۆاتاكسيلەر مۇمكىندىگى شەكتەۋلى ازاماتتاردى سايلاۋ ۋچاسكەلەرىنە تەگىن اكەلەدى»، دەيدى ءا.الىشەۆ.

سايلاۋدىڭ بارلىق تا­لاپقا ساي ءوتۋىن قامتاماسىز ەتۋ مىندەتى جۇكتەلگەن جاۋاپتى قىزمەتكەرلەردىڭ ءمالىم­دە­ۋىنشە، وبلىستا سايلاۋ­شى­لاردىڭ وزدەرى قالاعان كانديداتىنا داۋىس بەرۋىنە قاجەتتى جاعدايدىڭ بارلىعى جاسالعان.

تۇركىستان وبلىسى
سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار