وسى ءۇش جارىستىڭ قورىتىندىسى بويىنشا گوللانديا قۇراماسى ەڭ جاقسى ناتيجەگە قول جەتكىزىپ وتىر. قىزعالداقتار ەلىنىڭ وكىلدەرى 5 التىن جانە 1 كۇمىس مەدالدى ولجالادى. ەكىنشى ورىندا – قىتاي. اسپاناستى ەلىنىڭ ورەندەرى 3 التىن, 3 كۇمىس جانە 4 قولانى قورجىنعا سالدى. ءۇشىنشى ساتىعا اۆستراليا تانا تىرەدى. جاسىل قۇرلىق سپورتشىلارىنىڭ ەنشىسىندە 3 التىن جانە 3 كۇمىس مەدال بار. سونداي-اق, «توپ-10» كوماندانىڭ قاتارىنا ۇلىبريتانيا (3+1+2), گونكونگ (2+0+0), وڭتۇستىك كورەيا (1+1+3), گەرمانيا (1+0+2), جاڭا زەلانديا مەن ءازىربايجان (1+0+1) جانە كۋبا مەن تايلاند (1+0+0) سىندى مەملەكەتتەر بار.
جوعارىدا اتالعان سپورت تۇرلەرى اراسىنان قازاقستان تاەكۆوندودان ءبىر قولما مەدالعا قول جەتكىزدى. ونىڭ يەگەرى – 74 كيلو سالماق دارەجەسىندە ونەر كورسەتكەن قايرات سارىمساقوۆ.
ال الداعى ەكى ايدا تاعى ءتورت سپورت تۇرىنەن الەم چەمپيونتتارىنىڭ جالاۋى جەلبىرەيدى. ولار – جاعاجاي ۆولەيبولىنان (28 ماۋسىم-7 شىلدە, گامبۋرگ), ستەند اتۋدان (30 ماۋسىم – 11 شىلدە, لوناتو), جەلكەندى سپورتتان (1-9 شىلدە, ساكايميناتو) جانە سۋ سپورت تۇرلەرىنەن (12-28 شىلدە, گۆاندجۋ).
