جەر بەتىندەگى حالىق سانى توقتاۋسىز ءوسىپ جاتىر. دامىعان جانە كەدەي ەلدەردىڭ تابىسىنداعى الشاقتىق تەرەڭدەي تۇسۋدە. ەنەرگەتيكالىق داعدارىس ورىن الا باستادى. كوپ ەلدەردىڭ ۇكىمەتتەرى «جاسىل ەنەرگەتيكانى» دامىتۋ جولدارىن ىزدەۋگە كىرىستى. جاسىراتىنى جوق, ەنەرگەتيكالىق رەسۋرستاردىڭ ازايۋىنا قوسا, ازىق-ت ۇلىك تاپشىلىعى دا الەم ەلدەرىن الاڭداتىپ وتىرعان تۇيتكىلدى ءتۇيىننىڭ ءبىرى. وسىعان وراي, اقش-تاعى «بلۋمبەرگ» اقپارات اگەنتتىگىنىڭ ايماقتىق ديرەكتورى تودد باەر تاراپتاردى ازىق-ت ۇلىكتى قانشالىقتى ءتيىمدى تۇتىنىپ جاتىرمىز, ادامزات الدىندا تۇرعان كۇردەلى ماسەلەلەردى شەشۋ ءۇشىن قانداي تەحنولوگيالاردى دامىتۋ كەرەك, - دەگەن ساۋالدى اشىق تالقىلاۋعا شاقىردى.
ال «دوحا دەباتتارى» تەلەباعدارلاماسىنىڭ باسقارۋشى ديرەكتورى امدجاد اتاللاح: «بۇقارالىق مەدياداعى ساندىق جۇيە: سىن-قاتەرگە توتەپ بەرەمىز بە؟» دەگەن تاقىرىپتى تالقىعا سالىپ, تاراپتارعا ساۋال تاستادى. قازىر بۇقارالىق اقپارات قۇرالدارىنىڭ مۇشكىل جاعدايى تۋرالى ءجيى ايتىلادى. كەيبىر ساراپشىلار مەدياكومپانيالاردىڭ تۇبىنە عالامتور جەتەدى دەگەن پىكىردە. ولاردىڭ ايتۋىنشا, الەۋمەتتىك جەلىنى نەگىزسىز, دەرەك كوزى كورسەتىلمەگەن قارادۇرسىن اقپارات جايلاپ الدى. شىنىندا دا سولاي ما؟ بۇگىن وسى داعدارىستىڭ شەگىنەن شىعىپ, جۋرناليستيكانىڭ جارقىن بولاشاعىنا كوز تاستاۋعا تىرىسامىز دەگەن ساراپشىلار, بۇدان وزگە بىرقاتار ماڭىزدى ساۋالدارعا بىرلەسە جاۋاپ ىزدەدى.
الماتى
