بۇل باستاماعا ەكىباستۇزداعى بولات نۇرجانوۆ اتىنداعى ەكىباستۇز گرەس-1 ستانساسى العاشقىلاردىڭ ءبىرى بولىپ قولداۋ كورسەتتى. كاسىپورىن جانىنان اشىلعان «Greenhouse KZ» جشس جىلىجاي كەشەنىندە 2016 جىلى راۋشان گ ۇلىن ءوسىرۋ قولعا الىنسا, وتكەن جىلى قىزاناق ءوسىرۋدىڭ جاڭا وندىرىستىك قۋاتى ىسكە قوسىلدى. بۇگىندە كاسىپورىندا 175 جۇمىسشى ەڭبەك ەتۋدە.نەگىزى, جىلىجايدىڭ قۇرىلىسىن گۇل وسىرۋدە وركەنيەتتى تاجىريبەسى بار گوللاندىق «VAN DER HOEVEN» كومپانياسى جۇرگىزدى. جىلىجاي شىنىدان تۇرعىزىلعان.
جوباعا 3 ملرد تەڭگەدەن استام ينۆەستيتسيا سالىنىپتى. ينۆەستيتسيالىق جوبا گوللاندىق ينۆەستورلارعا تيەسىلى. قازىر «Greenhouse-Qaztomat» جشس بيىل 11,5 گەكتار, ال 2020 جىلدىڭ ناۋرىزىندا 10 گەكتارلىق كولەمدە قسمىا جىلىجايدى ىسكە قوسۋدى كوزدەپ وتىر.
ال, جۇمىس ىستەپ تۇرعان جىلىجاي كەشەنى 2 مودۋلدەن تۇرادى. ونىڭ 5 گەكتارىندا راۋشان گ ۇلى, ەكىنشى 5 گەكتارلىق مودۋلدە قىزاناق وسىرىلەدى. بىلتىر 2,2 مىڭ توننا ءونىم الىنعان. 2019 جىلى 2,7 مىڭ تونناعا جەتكىزىلمەك.
قىزاناقتىڭ 90 پايىزى رەسەيگە ساتىلادى. كاسىپورىن رەسەيلىك «لەنتا» جشس ءىرى دۇكەندەر جەلىسىمەن كەلىسىمشارت جاساعان. قىزاناقتان بولەك ەكىباستۇزدىق راۋشان گ ۇلى شەتەلگە ەكسپورتتالۋدا. بيىل 10,1 ميلليون دانا راۋشان گۇلدەرى الىنباق. جىلىجايدا 91,3 پايىزى ايەلدەر ەڭبەك ەتۋدە.
