ولاردىڭ باسىم بولىگى قىزىلجار اۋدانى بايتەرەك اۋىلىندا تۇرادى. پوليتسيا دەپارتامەنتىنىڭ كوشى-قون قىزمەتى باسقارماسىنىڭ قىزمەتكەرلەرى وسى ەلدى مەكەنگە ارنايى كەلىپ, ورالمان مارتەبەسىن قالپىنا كەلتىرۋگە جاردەمدەستى.
«كوشى-قون تۋرالى» زاڭعا سايكەس ورالمان مارتەبەسى ءبىر جىلعا بەرىلەدى. مەرزىمى ءوتىپ كەتسە, بۇرىن تۇرعان ەلدىڭ ازاماتتىعىنان شىعىپ, قازاقستان اۋماعىندا 5 جىل تۇرۋ كەرەك دەگەن سىقىلدى قيىندىقتار تۋىندايدى. ارنايى اكتسيا اياسىندا بۇل پروتسەدۋرالاردى جەڭىلدەتۋگە بولادى», دەيدى كوشى-قون قىزمەتى باسقارماسىنىڭ باستىعى تالعات ءابىلوۆ.
پروبلەمالاردىڭ تۋىنداۋىنا كەي ازاماتتاردىڭ تۋعان-تۋىستارى شەتەلدە قالىپ قويعانى, كەيبىرىنىڭ دۇنيە-م ۇلىك ماسەلەلەرىنىڭ شەشىلمەۋى سەبەپ بولعان. وسىعان وراي ەلباسىنىڭ تاپسىرماسىمەن ۋاقىتى ءوتىپ كەتكەن ورالمان مارتەبەسىن ۇزارتۋعا مۇمكىندىك بەرىلىپ وتىرعانى, قانداي قۇجاتتار قاجەتتىگى ءتۇسىندىرىلدى. ءسويتىپ 41 ادامنىڭ ورالمان مارتەبەسىنىڭ ۋاقىتى ۇزارتىلدى. ولاردىڭ 38-ءى قازاقستان ازاماتتىعىن الۋعا ءوتىنىش بەردى.
ەسكە سالا كەتسەك, بيىل 16 ناۋرىزدا ەلىمىزدە ازاماتتىقتى جەڭىلدەتىلگەن تارتىپپەن الۋ ءۇشىن ورالمان مارتەبەسىن جىل اياعىنا دەيىن ۇزارتۋ تۋرالى شەشىم قابىلدانعان بولاتىن. اتاجۇرتقا كەلگەن كەز كەلگەن قانداسىمىز ورالمان مارتەبەسىن ۇزارتۋ ءۇشىن ءتيىستى ورىندارعا جۇگىنە الادى.
