كەلىسىمگە جاپون سەيسميكالىق وقشاۋلاۋ قوعامىنىڭ (JSSI) پرەزيدەنتى, پروفەسسور اكيرا ۆادا (AkiraWada) مەن «قازقسعزي» اق باس ديرەكتورى بەگمان كۋلباەۆ قول قويدى.
مەموراندۋم عىلىمي-زەرتتەۋ جۇمىستارىن نەگىزدەپ, ورىنداۋ ءۇشىن بىرلەسكەن ۋاقىتشا عىلىمي ۇجىمدار قالىپتاستىرۋدى, سەيسميكاعا ءتوزىمدى قۇرىلىس سالاسىندا پراكتيكالىق جۇمىستاردى ورىنداۋ ءۇشىن قازاقستان مەن جاپونيا عالىمدارى مەن ماماندارىن تارتۋدى كوزدەيدى.
ىنتىماقتاستىقتىڭ ناتيجەسىندە بىرلەسكەن ءبىلىم بەرۋ باعدارلامالارىن ازىرلەۋ جانە ىسكە اسىرۋ, ءوزارا مۇددەلەرگە وكىلدىك ەتەتىن عىلىمي جانە عىلىمي-ادىستەمەلىك كونفەرەنتسيالار, سەمينارلار, «دوڭگەلەك ۇستەلدەر» مەن كورمەلەر وتكىزۋ ۇيعارىلىپ وتىر.
«2018 جىلى الماتى قالاسىندا «The Japan Society of Seismic Isolation» (JSSI) قاتىسۋىمەن «سەيسميكاعا ءتوزىمدى قۇرىلىس تەحنولوگيالارى» حالىقارالىق سەمينارى وتكەن بولاتىن. سەميناردا قازاقستاندىق جانە جاپوندىق ماماندار سەيسميكالىق وقشاۋلاعىش كونسترۋكتسيالاردى قولدانۋدىڭ تاجىريبەسىمەن الماستى. قازقسعزي-دىڭ سەيسميكاعا ءتوزىمدى قۇرىلىس سالاسىندا ۇلكەن تاجىريبەسى بار, ال ءبىزدىڭ ماماندارىمىز سەيسميكالىق وقشاۋلاعىش جۇيەلەردىڭ اۆتورلىق ازىرلەمەلەرىنە يە, سوندىقتان جاپوندىق ارىپتەستەرىمىز ىنتىماقتاستىقتى جالعاستىرۋعا مۇددەلى بولدى. كەلىسسوزدەردىڭ قورىتىندىس بويىنشا ءبىزدىڭ ەلدەرىمىزدىڭ سەيسميكاعا ءتوزىمدى قۇرىلىسىن دامىتۋ سالاسىندا كۇشتەرىمىزدى بىرىكتىرۋ شەشىمى قابىلداندى», – دەيدى «قازقسعزي» اق باس ديرەكتورى بەگمان كۋلباەۆ.
الماتى
