ايتۋلى ءتۋرنيردىڭ تۇساۋى سوناۋ 1994 جىلى كەسىلگەن ەدى. باستاپقىدا سەمەي قالاسىندا ۇيىمداستىرىلىپ كەلگەن جارىستىڭ ۋاقىت وزعان سايىن دەڭگەيى ارتىپ, وعان جەر جاھانداعى ەڭ بەلدى بالۋاندار قاتىسا باستادى. كەيىننەن ول الاتاۋ باۋرايىندا وتە باستادى. بۇل كۇندەرى بولات تۇرلىحانوۆتىڭ كۋبوگى ءۇشىن تۋرنير بۇكىلالەمدىك كۇرەس الەمىنىڭ (UWW) كۇنتىزبەسىنە ەنگەن قازاقستانداعى ەڭ ءىرى دوداعا اينالدى. باسەكەلەر تەك وليمپيادالىق سالماق دارەجەلەرى (59, 67, 77, 87, 97 جانە 130 كيلو) بويىنشا ءوتىپ, كوپتەگەن اتاقتارى الىسقا جايىلعان گرەك-ريم كۇرەسى شەبەرلەرى بيىل دا الماتى بوز كىلەمىندە بەلدەسۋگە نيەت ءبىلدىرىپ وتىر. ولاردىڭ قاتارىندا وليمپيا ويىندارىندا اتوي سالىپ, الەم جانە قۇرلىق چەمپيوناتتارىندا جەڭىس تۇعىرىنا كوتەرىلگەن ساڭلاقتار دا بار.
سونىمەن قاتار, تابىستى ونەر كورسەتكەن سپورتشىلاردى قوماقتى كولەمدە سىياقى كۇتىپ تۇر. ماسەلەن, باس جۇلدەنى ولجالاعاندار 3 000 اقش دوللارىن يەلەنسە, كۇمىس جانە قولا مەدالدى يەلەنگەندەر 2 000 مەن 1 000 دوللاردى قالتاعا باسادى.
بيىلعى دوداعا رەسەي, وڭتۇستىك كورەيا, يران, وزبەكستان ارمەنيا, بەلارۋس, قىرعىزستان جانە تاعى باسقا ەلدەردەن كەلگەن ايگىلى بالۋاندار قاتىسادى دەپ كۇتىلۋدە. ال قۇرمەتتى قوناقتار قاتارىندا جاقسىلىق ۇشكەمپىروۆ, الەكساندر كارەلين, كيم ەن نام, كاماندار مادجيدوۆ سىندى مارقاسقالار بولادى.
