ايماقتار • 20 مامىر، 2019

الماتىدا العاش رەت «Manage Pain قازاقستان» كونگرەسى ءوتتى

801 رەت كورسەتىلدى

الماتىدا العاش رەت ءارتۇرلى اۋىرسىنۋ سيندرومدارىن دياگنوستيكالاۋ جانە ەمدەۋ ماسەلەلەرىنە ارنالعان «Manage Pain قازاقستان» اتتى حالىقارالىق پانارالىق كونگرەسى ءوتتى.

ددسۇ مالىمەتى بويىنشا سوزىلمالى اۋىرسىنۋ سەزىمى جەر بەتىندەگى ەرەسەكتەردىڭ ۇشتەن ءبىرىنىڭ جانىنا باتادى. ال بۇكىل الەمدەگى حالىقتىڭ 14%-ى ورتاشا ەسەپپەن 18 ساعاتقا سوزىلاتىن باس ساقيناسىمەن اۋىرادى. سوندىقتان كوپتەگەن دامىعان ەلدەر سوزىلمالى اۋىرسىنۋدى ءوز الدىنا بولەك ءبىر اۋرۋ رەتىندە مويىنداپ، قازىر الگولوگيا نەمەسە  pain management (اۋىرسىنۋ سەزىمىن باسقارۋ) دەپ اتالاتىن ارنايى دارىگەرلىك ماماندىق پايدا بولدى.

كونگرەسكە شاقىرىلعان سپيكەرلەردىڭ ءبىرى – «قازاق ۇزدىكسىز مەديتسينالىق ءبىلىم بەرۋ ۋنيۆەرسيتەتى» اق تراۆماتولوگيا جانە ورتوپەديا كافەدراسىنىڭ دوتسەنتى، مەديتسينا عىلىمىنىڭ كانديداتى، جوعارى ساناتتاعى تراۆماتولوگ-دارىگەر قايرات ورازاليەۆ جىل سايىن ءارتۇرلى اۋىرسىنۋ تۇرلەرىمەن بەتپە بەت  كەلەتىندىگىن ايتادى. بۇل اۋىرسىنۋ سەزىمى ناۋقاستىڭ بەلسەندىلىگىنە، ءومىر ءسۇرۋ ساپاسىنا عانا ەمەس، سونىمەن بىرگە، الەۋمەتتىك ومىرىنە، وتباسىنداعى قارىم-قاتىناسقا، اينالاسىنا كەرى اسەرىن تيگىزىپ جاتادى.

«ءبىز اۋىرسىنۋدى باساتىن ءتيىمدى دارىلىك زاتتاردى شىعاراتىن، جولعا قويىلعان ءوندىرىستىڭ قازاقستاندا بار ەكەندىگىن ماقتان تۇتۋىمىز قاجەت. فارماتسەۆتيكالىق يندۋستريا جىلدام قارقىنمەن دامىپ، SANTO كومپانياسى كوپ ساتىلى ەمدى جۇرگىزۋ ءۇشىن تابلەتكالار، كاپسۋلالار، ينەكتسيالار، جابىستىرعىشتار تۇرىندەگى پرەپاراتتاردىڭ كەڭ تۇرلەرىن ۇسىنا الاتىندىعىنا قۋانىشتىمىن»، – دەيدى قايرات ورازاليەۆ مىرزا.

وسى تۇستا دارىگەرلەر ناۋقاستاردىڭ ءوز بەتىنشە ەم جاساۋى، دارىلەردى دۇرىس قابىلداماۋى جانە جاعىمسىز سالداردىڭ تۋىنداۋى سىندى ماسەلەلەرگە تاپ بولىپ وتىر. باس ساقيناسى تۋرالى ايتار بولساق،  الەمنىڭ 101 ەلىندە جۇرگىزىلگەن جاھاندىق زەرتتەۋلەرگە سايكەس باس ساقيناسىمەن اۋىراتىنداردىڭ 50%-عا جۋىعى ءوز بەتىنشە ەم جاسايدى، تاعى 5%-ى بالامالى ەمدەۋ تاسىلدەرىنە جۇگىنەدى. سوندىقتان دەر كەزىندە دياگنوستيكا جاساۋ، اۋىرسىنۋدىڭ سەبەپتەرىن انىقتاپ ەمدەۋ – نازار اۋدارۋعا تۇراتىن جانە جاڭا ەمدەۋ تاسىلدەمەلەرىن قاجەت ەتەتىن اسا وزەكتى ماسەلە.

«Manage Pain» («اۋىرسىنۋ سەزىمىن باسقار!») جوباسى – اۋىرسىنۋعا قارسى كۇرەس جونىندەگى ەۋروپا ليگاسىنىڭ (EULAP)، پانارالىق مەديتسينا قاۋىمداستىعىنىڭ (امم) جانە رەسەي دەنساۋلىق ساقتاۋ مينيسترلىگى ي.م.سەچەنوۆ اتىنداعى تۇڭعىش ماسكەۋ مەملەكەتتىك مەديتسينالىق ۋنيۆەرسيتەتىنىڭ بىرلەسكەن ءبىلىم بەرۋ جوباسى. ال قازاقستاندا وتكەن العاشقى كونگرەسكە SANTO كومپانياسى باس دەمەۋشىلەردىڭ ءبىرى رەتىندە ات سالىستى.

جوبانى الماتىداعى كونگرەسس كەزىندە پانارالىق مەديتسينا قاۋىمداستىعىنىڭ اتقارۋشى ديرەكتورى، پروفەسسور، ي.م.سەچەنوۆ اتىنداعى تۇڭعىش ماسكەۋ مەملەكەتتىك مەديتسينالىق ۋنيۆەرسيتەتىنىڭ جۇيكە اۋرۋلارى كافەدراسىنىڭ مەڭگەرۋشىسى الەكسەي دانيلوۆ تانىستىردى. سونداي-اق، تراۆماتولوگيا مەن ورتوپەدياداعى اۋىرسىنۋ سيندرومدارىن ەمدەۋدىڭ ەرەكشەلىكتەرى جايلى SANTO اتىنان شىققان سپيكەر، جوعارى ساناتتاعى تراۆماتولوگ-دارىگەر قايرات ورازاليەۆ بايانداما وقىدى.


   الماتى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار