قازاقستاندىق ديپلومات شەتەلدىك جۋرناليستەرگە قازاقستانداعى ساياسي وزگەرىستەر بويىنشا, سونداي-اق ەلدەگى پرەزيدەنتتىك سايلاۋعا دايىندىق تۋرالى حاباردار ەتىپ, ەلىمىزدىڭ كونستيتۋتسياسىنىڭ نەگىزگى ەرەجەلەرى مەن قازاقستان رەسپۋبليكاسى زاڭناماسى تۋرالى, جوعارى مەملەكەتتىك لاۋازىمعا ۇمىتكەرلەردى تىركەۋ, بايقاۋشىلاردىڭ جۇمىسى, باق-تى اككرەديتتەۋ جانە سايلاۋ الدىنداعى ۇگىت جۇمىسىن جۇرگىزۋ تۋرالى شارتتاردى ءتۇسىندىردى.
ۆ.تەمىرباەۆ ەل باسشىلىعىنىڭ حالىقارالىق مىندەتتەمەلەر مەن كەلىسىمدەرگە دەگەن مىندەتتەمەسىن, سونداي-اق ءوزىمىزدىڭ مۇددەلەرىمىز بەن باسىمدىقتارىمىزعا سايكەس تەڭدەستىرىلگەن سىرتقى جانە تۇراقتى ەكونوميكالىق ساياساتتى جالعاستىرۋ تۋرالى ناقتى شەشىمىن راستادى.
ەلشى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋى كەزىندە ليتۆا مەن لاتۆيا اۋماعىندا تۇراقتى جانە ۋاقىتشا تۇراتىن قازاقستان ازاماتتارى وزدەرىنىڭ كونستيتۋتسيالىق (سايلاۋ) قۇقىعىن جۇزەگە اسىرۋعا مۇمكىندىگى بار ەكەنىن اتاپ ءوتتى.
وسىعان وراي قازاقستاننىڭ ليتۆاداعى ەلشىلىگىندە, ۆيلنيۋس قالاسى, بيرۋتەس كوشەسى, 20ا مەكەنجايى بويىنشا № 242 سايلاۋ ۋچاسكەسى جۇمىس ىستەيدى. الدىن الا اقپاراتقا سايكەس, بۇگىنگى تاڭدا ليتۆاداعى قازاقستان رەسپۋبليكاسى سايلاۋشىلارىنىڭ سانى 230 بولسا, ال لاتۆيادا 70 ادام بار.
بۇل رەتتە, لاتۆيادان كەلگەن قازاقستاندىق ستۋدەنتتەرگە جەكە كولىك ۇيىمداستىرىلۋى جوسپارلانۋدا.
