«ورتالىق ازيا + جاپونيا» ديالوگى (واجد) سىرتقى ىستەر مينيسترلەرىنىڭ 7-ءشى كەزدەسۋىنە قاتىسۋ اياسىندا قازاقستان رەسپۋبليكاسىنىڭ سىرتقى ىستەر ءمينيسترى بەيبىت اتامقۇلوۆ تاجىكستان رەسپۋبليكاسىنىڭ پرەزيدەنتى ەمومالي راحمونمەن كەزدەستى.
قازاقستان سىرتقى ساياسي ۆەدومستۆوسىنىڭ باسشىسى تاجىكستان ءبىزدىڭ ەلىمىز ءۇشىن ورتالىق ازياداعى سەنىمدى دوس جانە ماڭىزدى ستراتەگيالىق سەرىكتەس ەكەنىن اتاپ ءوتتى. «ءبىز ەلدەرىمىز بەن مەملەكەتتەر باسشىلارىنىڭ اراسىنداعى قالىپتاسقان جىلى قارىم-قاتىناستاردى شىنايى باعالايمىز», - دەدى ب.اتامقۇلوۆ.
تاراپتار ماۋسىم ايىندا دۋشانبەدە وتەتىن ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ 5-ءشى ءسامميتىن تالقىلادى. قازاقستان تاجىك تاراپىنا توراعا رەتىندە بەلسەندى قىزمەتى ءۇشىن ريزاشىلىعىن ءبىلدىرىپ, توراعالىق كەزىندە تولىق قولداۋ كورسەتۋگە دايىن.
تاجىكستان پرەزيدەنتى ە. راحمون قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ قازاقستاننىڭ عانا ەمەس, سونداي-اق بۇكىل ورتالىق ازيا ءوڭىرىنىڭ دامۋىنا قوسقان زور ۇلەسىن اتاپ ءوتتى. «نۇرسۇلتان ءابىش ۇلى - كورەگەن ساياساتكەر جانە مىقتى باسشى. الەمدىك كوشباسشىلاردىڭ اراسىندا ەڭ جوعارى بەدەلگە يە», - دەدى تاجىكستان پرەزيدەنتى.
سونىمەن قاتار, ە. راحمون 20 جىلدان استام ۋاقىت بويى پرەزيدەنت قاسىم-جومارت توقاەۆتى جەكە تانيتىنىن ايتىپ كەتىپ, ونى تاجىريبەلى ديپلومات جانە كاسىپقوي رەتىندە بىلەتىنىن اتاپ ءوتتى. سونىمەن قاتار, ول قازاقستانعا جاقسى جانە ايقىن پرەزيدەنتتىك سايلاۋدى تىلەدى, ونىڭ ناتيجەسى, ءسوزسىز, قازاق حالقىنىڭ يگىلىگىنە قىزمەت ەتەدى.
سوڭعى جىلدارى قازاق-تاجىك قارىم-قاتىناستارىنىڭ ارتۋى بايقالادى, ساياسي بايلانىستاردىڭ نىعايىپ, ساۋدا اينالىمىنىڭ كورسەتكىشتەرى ارتىپ كەلەدى جانە 2018 جىلى 845,9 ملن. اقش دوللارىن قۇراپ, بۇل وتكەن جىلدىڭ سايكەس كەزەڭىمەن سالىستىرعاندا 8,2% جوعارى. تاراپتار الداعى 3-4 جىلدا ەكىجاقتى ساۋدا اينالىمىن 2 ملرد. دوللارعا دەيىن ۇلعايتۋدى كوزدەپ وتىر.
قازاقستان نەگىزىنەن تاجىكستانعا استىق, ۇن, كۇنباعىس مايى, قۇرىلىس جانە لاك-بوياۋ ماتەريالدارى, مۇناي گازدارى مەن گاز ءتارىزدى كومىرسۋتەكتەرىن, مۇناي مەن مۇناي ونىمدەرىن ەكسپورتتايدى. تاجىكستان بولسا - كوكونىس, جەمىس, كەن ونىمدەرى جانە قورعاسىن, مىرىش, مىس كونتسەنتراتتارىن.
تاجىك كومپانيالارىنىڭ «KazakhExport» قازاقستاندىق ەكسپورتتىق ساقتاندىرۋ كومپانياسىمەن ءوزارا ارەكەتتەسۋىنىڭ ارقاسىندا تەمىرجول ونىمدەرىن, مەتالل ونىمدەرىن جەتكىزۋدەگى ءتيىمدى ىنتىماقتاستىق, اۆتوبۋس تاكسوپاركتاردىڭ جاڭارتىلۋى, دۋشانبەنى ەنەرگيامەن جابدىقتاۋ ينفراقۇرىلىمى جاڭارتىلۋدا. اعىمداعى جىلدىڭ 20 مامىرىندا تاجىكستان استاناسىندا وسى قازاقستاندىق كومپانيانىڭ كەڭسەسىن اشۋ جوسپارلانىپ وتىر.
كولىك جانە ترانزيتتىك الەۋەتتى دامىتۋدا ىنتىماقتاستىق ءۇشىن ۇلكەن الەۋەت بار. ەكى مەملەكەتتىڭ اۋماعىندا تاۋارلاردى تاسىمالداۋ ءۇشىن يكەمدى تاريفتىك ساياساتتى جۇرگىزۋدى جالعاستىرۋ ۇسىنىلدى. قازاقستان تاجىكستانعا KazSat سپۋتنيكتەرى ارقىلى جانە تاجىك-اۋعان شەكاراسىنىڭ قاۋىپتى ايماقتارىن عارىشتىق باقىلاۋ ارقىلى سپۋتنيكتىك بايلانىس قىزمەتتەرىن ۇسىندى.
بۇگىنگى تاڭدا ەكىجاقتى ىنتىماقتاستىقتىڭ قۇقىقتىق بازاسى ىنتىماقتاستىقتىڭ بارلىق سالالارىن قامتيتىن 80-دەن استام قۇجاتتان تۇرادى.
