رۋحانيات • 18 مامىر، 2019

تۇركىستاندا «ۇلتتىق ارحەولوگيانىڭ ساردارى - الكەي مارعۇلان» اتتى كورمە اشىلدى

951 رەتكورسەتىلدى

اتالعان شارا «ازىرەت سۇلتان» مەملەكەتتىك تاريحي-مادەني قورىق-مۋزەيىندە «18 مامىر - حالىقارالىق مۋزەيلەر» كۇنىنە جانە كورنەكتى عالىم-شىعىستانۋشى، ادەبيەتتانۋشى، قازاقستان ارحەولوگتارىنىڭ عىلىمي مەكتەبىنىڭ نەگىزىن سالۋشى الكەي مارعۇلاننىڭ 115 جىلدىعىنا وراي ۇيىمداستىرىلدى. بۇل تۋرالى مۋزەيدىڭ ءباسپاسوز قىزمەتى حابارلادى.


كورمەگە عالىم-ارحەولوگ، بىلىكتى ۇستاز، قر مادەنيەت قايراتكەرى -  نۇرتازا الدابەرگەنوۆ پەن وزگە دە بەلگىلى عالىم، ارحەولوگتار، مۋزەي قىزمەتكەرلەرى مەن ستۋدەنتتەر، باق وكىلدەرى قاتىستى. سالتاناتتى شاراعا كەلگەن قوناقتار ىلىمگە تولى ۇستاز ونەگەسى جايلى ەستەلىكتەرىمەن ءبولىسىپ، اقىندىق قىرىنا دا توقتالدى. ال، نۇرتازا الدابەرگەنوۆ قازاق باسىلىمدارىندا جارىق كورگەن الكەي مارعۇلاننىڭ ولەڭدەرىن قورىق-مۋزەي قورىنا تابىستادى. جيىندا ءسوز سويلەگەن "ازىرەت سۇلتان" مەملەكەتتىك تاريحي-مادەني قورىق-مۋزەيىنىڭ ديرەكتورى نۇربولات احمەتجانوۆ  كورنەكتى عالىم-شىعىستانۋشىنىڭ ەڭبەكتەرىن اتاپ ءوتتى. 

 «الكەي مارعۇلان -  قازاقستانداعى ارحەولوگيا مەكتەبىن قۇرۋشى. ول  تاريح، ارحەولوگيا، ەتنوگرافيا، ادەبيەت، ونەر  جانە مەتاللۋرگيا سالاسىنا قاتىستى 300-دەن استام عىلىمي زەرتتەۋ جۇمىستارىن، 100-دەن اسا ەنتسيكلوپەديالىق ماقالالار جازعان. سونىمەن قاتار، قازاقستاندىق ەتنوگرافتاردىڭ، ارحەولوگتاردىڭ، تاريحشىلاردىڭ بiرنەشە بۋىنىن دايارلاپ ارتىندا وشپەس ءىز قالدىردى»، دەدى نۇربولات احمەتجانوۆ . 

 كورمەگە قاتىسۋشىلار ەكسپوزيتسيالاردىڭ اراسىنان   بەلگىلى عالىم الكەي مارعۇلانعا قاتىستى كىتاپتار، عىلىمي ەڭبەكتەر، باسپا ونىمدەرى جانە فوتوسۋرەتتەر مەن ارحەولوگيالىق قازبا جۇمىستارىنان تابىلعان جادىگەرلەردى تاماشالادى.




سوڭعى جاڭالىقتار

ۇقساس جاڭالىقتار