ونىڭ اشىلۋ سالتاناتى ءبىلىم ورداسىنىڭ 80 جىلدىق مەرەيلى تويىنا ورايلاستىرىلدى. سالتاناتقا بەلگىلى اكادەميك كەنجەعالي ساعاديەۆ, عالىم, سەناتور, تۇركى ەلدەرى ماتەماتيكا قوعامىنىڭ پرەزيدەنتى باقىتجان جۇماعۇلوۆ, وبلىستىق ءماسليحاتتىڭ حاتشىسى سايلاۋبەك ەسجانوۆ جانە ومىرزاق ماحمۇت ۇلىنىڭ جۇبايى رايحان اپاي, بالالارى, نەمەرەلەرى, عالىمنىڭ كوزكورگەن زامانداستارى مەن اۋىلداستارى قاتىستى.
ەسكەرتكىشتىڭ اشىلۋ سالتاناتىندا اكادەميك كەنجەعالي ساعاديەۆ ومىرزاق سۇلتانعازيننىڭ عىلىمعا سىڭىرگەن ەڭبەگىن, ونىڭ دۇنيەجۇزى دەڭگەيىندەگى عالىم ەكەنىن ايتتى.
«اكادەميك ومىرزاق سۇلتانعازيندى دۇنيەجۇزىندەگى عىلىمي قوعامداستىقتاردىڭ بىلمەيتىنى كەمدە كەم. عالىم ارتىندا وتە كوپ عىلىمي مۇرا قالدىردى. ونىڭ ەڭبەگىمەن دۇنيەجۇزىندەگى ايگىلى فيزيكتەر, ماتەماتيكتەر ساناسادى. بولتسماننىڭ تەورياسىمەن دۇنيەجۇزىندە كوپتەگەن عالىمدار اينالىسقان. وسى تەوريانىڭ ءبىر باعىتىن ومىرزاق سۇلتانعازين شەشكەن بولاتىن. بۇل قازاق عالىمىنىڭ اشقان جاڭالىعى ەدى. قوستاناي جەرىندەگى كىشكەنتاي قاراوبا اۋىلىنان ۇشقان تۇلەك الەمنىڭ كوپتەگەن ەلدەرىندەگى ۋنيۆەرسيتەتتەردە ءوزىنىڭ عىلىمي مەكتەبىن قۇردى. بۇل ءبىز ءۇشىن ۇلكەن ماقتانىش. ول امەريكادا, انگليادا, فرانتسيادا, جاپونيادا, چەحيادا, تاعى باسقا ەلدەردە بولىپ, ۇزدىك ۋنيۆەرسيتەتتەردە ساباق بەردى. ول ساناق تەحنيكاسىمەن اينالىستى, قازاق ۇلتتىق عىلىم اكادەمياسىن باسقاردى. ءوزىنىڭ ارتىندا عىلىممەن اينالىسقان, ءوزى تىكەلەيجەتەكشىلىك ەتىپ, ۇستازدىق ەتكەن كوپتەگەن شاكىرتتەرى قالدى. ول كوسموستى زەرتتەۋمەن اينالىستى. تاۋەلسىز ەلدىڭ ەكى عارىشكەرى توقتار اۋباكىروۆ پەن تالعات مۇساباەۆتىڭ عىلىمي جەتەكشىسى بولدى. ولاردىڭ باعدارلامالىق اتقارعان جۇمىسى دۇنيەجۇزىلىك عالىمدار اراسىندا جوعارى باعالاندى, ال ونى ومىرزاق سۇلتانعازين جاساعان بولاتىن» دەدى كەنجەعالي ابەن ۇلى تەبىرەنە سويلەپ.
عالىم, سەناتور باقىتجان جۇماعۇلوۆ ومىرزاق سۇلتانعازيننىڭ الەمدىك دەڭگەيدەگى ءىرى عالىم بولۋىمەن قاتار, ادامگەرشىلىك بيىگىندەگى زيالى ادام, ۇلكەن ۇستاز بولعانىن تىلگە تيەك ەتتى.
عالىمنىڭ ەسكەرتكىشىنە قوستاناي اكىمدىگى مەن ءتۇرلى ۇيىمداردان تاعزىم گ ۇلى قويىلدى.
قوستاناي
