مەيماندى قابىلداۋ بارىسىندا س.گروموۆ ءبىزدىڭ ەلدەرىمىزدى ءداستۇرلى دوستىق قارىم-قاتىناستار بايلانىستىراتىنىن اتاپ ءوتتى. توراعا ورىنباسارى بانگلادەشتىڭ قازاقستاننىڭ حالىقارالىق باستامالارىن قولداعانى ءۇشىن, ونىڭ ىشىندە نۇر-سۇلتانداعى شتاب-پاتەرى بار يسلام ىنتىماقتاستىعى ۇيىمىنىڭ ازىق-ت ۇلىك قاۋىپسىزدىگى جونىندەگى يسلام ۇيىمىن قۇرعانى ءۇشىن ەلشىگە ريزاشىلىعىن ءبىلدىردى.
كەزدەسۋ بارىسىندا ەكى ەل اراسىنداعى ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى تەرەڭدەتۋدىڭ كەلەشەگى تالقىلاندى. س. گروموۆتىڭ پىكىرىنشە, تاياۋ بولاشاقتا بىرلەسكەن ۇكىمەتارالىق كوميسسيا قۇرۋ ەكونوميكالىق كووپەراتسيانى كەڭەيتۋگە, ەكى ەلدىڭ ىسكەر توپتارى اراسىندا بايلانىس ورناتۋعا مۇمكىندىك بەرەدى.
ەلشى م.ماننان ءوز كەزەگىندە بانگلادەشتىڭ ەكى ەل حالىقتارىنىڭ يگىلىگى ءۇشىن ەكىجاقتى ىنتىماقتاستىقتى نىعايتۋعا دايىندىعىن ناقتىلاپ, مەملەكەتارالىق ءوزارا ءىس-قيمىلدىڭ زور الەۋەتى بار ەكەنىن اتاپ ءوتتى.
