17 مامىر، 2019

شقو ۇلان اۋدانىندا 9 بالالى وتباسى باسپانالى بولدى

1055 رەت كورسەتىلدى

قاسيەتتى رامازان ايىندا ۇلان اۋدانىنىڭ بوزانباي اۋىلىندا تۇراتىن 9 بالالى انا الما بەكەتاەۆا قۋانىشقا بولەندى.



قاسيەتتى رامازان ايىندا ۇلان اۋدانىنىڭ بوزانباي اۋىلىندا تۇراتىن 9 بالالى انا الما بەكەتاەۆا قۋانىشقا بولەندى. قانشاما جىل جالدامالى 2 بولمەلى پاتەردى پانالاپ كەلگەن كوپ بالالى وتباسىعا پاتەر كىلتىن اۋدان اكىمى نۇرىمبەت ساقتاعانوۆ تابىس ەتتى. ايتا كەتەيىك، بۇل باسپانا اۋداندا ۇيىمداستىرىلعان «اياۋلى انالارعا قۇرمەت پەن قامقور» قايىرىمدىلىق كەشىنەن جينالعان قاراجاتقا الىنعان ەكەن.

ن.ساقتاعانوۆتىڭ ايتۋىنشا، ۇلان اۋدانىندا 950 كوپ بالالى وتباسى بار بولسا، ونىڭ 459-ى التىن القا، كۇمىس القا يەگەرلەرى، 491-ءى 4 جانە ودان دا كوپ كامەلەتتىك جاسقا تولماعان بالالارى بار شاڭىراقتار. وسى 491-ءدىڭ 136-ى تۇرمىس دەڭگەيى تومەن وتباسىلار ەكەن. «ولاردىڭ بارلىعىنا اتاۋلى الەۋمەتتىك كومەك تاعايىندالعان. ونىڭ ىشىندە 120 وتباسىنىڭ جەكە باسپانالارى جوق. ولار جالدامالى ۇيدە تۇرىپ جاتىر. وبلىس اكىمى دانيال احمەتوۆ كوپ بالالى وتباسىلاردىڭ بۇلدىرشىندەرى بالاباقشاعا تەگىن بارۋى قاجەتتىگىن تاپسىرعان بولاتىن. ءبىزدىڭ اۋداندا مۇنداي ساناتتاعى 133 بالا بار. مەكتەپ جاسىنداعى 822 وقۋشى ىستىق تاماقپەن قامتىلعان، مەكتەپ فورماسى ولارعا تەگىن بەرىلەدى»، - دەيدى اۋدان اكىمى.

9 بالالى انا الما بەكەتاەۆا ءوز كەزەگىندە «ءوز ءۇيى – ولەڭ توسەگىنە» قول جەتكىزگەن اتىمتاي جومارت ازاماتتارعا العىسىن جەتكىزدى. «بىزگە ۇلكەن ءۇي ساتىپ اپەرگەن جاندارعا العىسىم شەكسىز. ءوزىم سياقتى كوپ بالالى انالاردىڭ بارلىعىنا وسىنداي قۋانىش تىلەيمىن. ورازا ايىندا جاساعان جاقسىلىقتارى ساۋاپتى بولسىن»، - دەيدى قۋانىشقا كەنەلگەن كوپ بالالى انا.

شىعىس قازاقستان وبلىسى،

ۇلان اۋدانى


سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار