قازاقستان • 17 مامىر، 2019

XVI ەۋرازيالىق مەديا فورۋم حەدلاينەرى كىم: ترامپتى بيلىككە اكەلگەن ادام

845 رەت كورسەتىلدى

ءبىز بۇعان دەيىن دە 22-24 مامىر ارالىعىندا وتەتىن XVI ەۋرازيالىق مەديا فورۋمىنىڭ سپيكەرلەرى قۇرامىندا بەلگىلى ساياسي قايراتكەر، قازىرگى اقش پرەزيدەنتى اكىمشىلىگىنىڭ ەڭ بەدەلدى قىزمەتكەرلەرىنىڭ ءبىرى ستيۆەن بەننون بار ەكەندىگىن حابارلاعان ەدىك.

ستيۆەن بەننون – اقش پرەزيدەنتى دونالد ترامپتىڭ اعا كەڭەسشىسى جانە ستراتەگيالىق ماسەلەلەر بويىنشا بۇرىنعى باس مامانى.

بەننون ۇلتتىق قاۋىپسىزدىك ماسەلەسىن زەرتتەۋ بويىنشا ماگيستر دارەجەسىن دجوردجتاۋن ۋنيۆەرسيتەتىندە جانە ىسكەر اكىمشىلىك ماگيستر دارەجەسىن گارۆارد ۋنيۆەرسيتەتىنىڭ بيزنەس مەكتەبىندە العان. ول اسكەري-تەڭىز كۇشتەرىنىڭ وفيتسەرى، اقش-تىڭ «پول فوستەر»اسكەري كەمەسىندە تىنىق مۇحيتى، اراۆيا تەڭىزى، پارسى شىعاناعىندا اسكەري مىندەتىن وتەگەن. پەنتاگوندا اسكەري-تەڭىز وپەراتسيالارى بويىنشا قولباسشىنىڭ ارنايى كومەكشىسى قىزمەتىن اتقارعان.

2016 جىلى ستيۆەن ك.بەننون دونالد ترامپتىڭ پرەزيدەنتتىك كامپانياسىن باسقارعان. 2017 جىلى اق ۇيدە اقش پرەزيدەنتى دونالد ترامپتىڭ اعا كەڭەسشىسى جانە ستراتەگيالىق ماسەلەلەر بويىنشا باس مامانى لاۋازىمىن اتقارعان.

بەننون مىرزا – بىرقاتار ماداقتالعان دەرەكتى فيلمدەردىڭ رەجيسسەرى، اقپاراتتىق Breitbart News ۆەب-سايتىنىڭ اتقارۋشى توراعاسى. بانكتىك Goldman Sachs كونگلومەراتىنىڭ بىرىگۋى مەن ءسىڭىرۋ بويىنشا مامان رەتىندە قىزمەت اتقارعان.

بەننون – بەلسەندى ازاماتتىق ۇستانىمى بار جان. «ازاماتتار امەريكا رەسپۋبليكاسى ءۇشىن!» قوعامدىق قوزعالىسىنىڭ نەگىزىن قالاۋشى. بۇل ۇيىم كوممەرتسيالىق ەمەس بولىپ تابىلادى. سونداي-اق بيلىكتى اسىرا پايدالانۋ ماسەلەلەرىن بويىنشا ءىس جۇرگىزەتىن زاڭ ۇستەمدىگى قوعامىنىڭ توراعاسى. ول بۇكىل الەمدەگى قوعامدىق ساياسي بەلسەندىلىك پەن تانىمال ۇلتتىق يدەيالاردى قولدايتىن  ەۋروپا، وڭتۇستىك افريكا مەن ازياداعى «The Movement» ۇيىمىنىڭ نەگىزىن قالاۋشىلاردىڭ ءبىرى بولعان. 

سونداي-اق ول «ءبىز قالقان سالۋدامىز» ۇيىمىنىڭ كونسۋلتاتيۆتىك كەڭەسىنىڭ توراعاسى بولىپ تابىلادى. ۇيىم ماقساتى – اقش وڭتۇستىك شەكاراسىنداعى قابىرعا قۇرىلىسىن قارجىلاندىرۋ.

ەۋرازيالىق مەديا فورۋم اياسىندا بەننون 24 مامىر كۇنى «سەنىم داعدارىسى. كۇشتەردىڭ جاھاندىق ءبولىنىسى» پانەلدىك سەسسياسىنا قاتىسادى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

ۇقساس جاڭالىقتار