جارىس قوجايىندارى رەتىندە ايتۋلى جارىسقا شۆەيتساريانىڭ قاتىساتىنى بەلگىلى. تاعى ەكى جولدامانى نۇر-سۇلتاندا جالاۋى جەلبىرەگەن ءبىرىنشى ديۆيزيون كوماندالارى اراسىنداعى الەم بىرىنشىلىگىندە العاشقى ەكى ورىندى ولجالاعان قازاقستان مەن بەلارۋس قۇرامالارى جەڭىپ الدى.
سونىمەن قاتار, بۇل كۇندەرى سلوۆاكيادا ءوتىپ جاتقان الەم چەمپيوناتىندا رەسەي مەن گەرمانيا حوككەيشىلەرى ءدال سونداي قۇرمەتكە يە بولعانى جايىندا ءبىز بۇعان دەيىن دە حابارلاعانبىز. ايتۋلى جارىستىڭ جەتىنشى كۇنىنىڭ قورىتىندىسى بويىنشا كەلەسى جىلى شۆەيتسارياعا ساپار شەگەتىن تاعى التى كوماندا بەلگىلى بولدى: ولار – كانادا, اقش, چەحيا, فينليانديا, شۆەتسيا جانە لاتۆيا قۇرامالارى.
