سپورت • 17 مامىر، 2019

تاەكۆوندو: ەكىنشى كۇنى دە جۇلدە بۇيىرمادى

744 رەتكورسەتىلدى

انگليانىڭ مانچەستەر قالاسىندا ءوتىپ جاتقان الەم چەمپيوناتىنىڭ ەكىنشى كۇنى دە قازاقستاننىڭ تاەكۆوندوشىلارى جەڭىس تۇعىرىنا كوتەرىلە العان جوق.

68 كيلو سالماقتا نۇرسۇلتان ماماەۆ ونەر كورسەتتى. باستاپقى قوس باسەكەدە چەرنگوريا مەن كانادانىڭ سپورتشىلارىن ۇتقان قانداسىمىز ءۇشىنشى اينالىمدا بەلگيالىق قارسىلاسىنا ەسە جىبەردى. 54 كيلو سالماق دارەجەسىندە باق سىنعان سامات تەمىرحان ەكىنشى كەزەڭدە ءسۇرىندى. ول جاپونيالىق دايان شەبەرىنە ەسە جىبەردى. +73 كيلو سالماقتاعى مەرەكە ءجۇنىسوۆانىڭ دا جولى بولمادى. قازاق تاەكۆوندوشىسىنىڭ تۇساۋكەسەر كەزدەسۋىندە برازيليانىڭ وكىلىنە ءالى جەتپەدى.

ەستەرىڭىزگە سالا كەتەيىك، الەم چەمپيوناتىنىڭ العاشقى كۇنى دە قازاقستان قۇراماسى ءۇشىن ءساتسىز اياقتالعان ەدى.  اتاپ ايتساق، 46 كيلو سالماقتاعى اينۇر ۋاشباي تۇساۋكەسەر كەزدەسۋىندە يراندىق سپورتشىعا ەسە جىبەرسە، 73 كيلو سالماقتاعى جانسەل دەنيز ەكىنشى كەزەڭدە يسپاندىق دايان شەبەرىنە جول بەردى. ال 58 كيلو سالماق دارەجەسىندە ونەر كورسەتكەن ەلدوس ىسقاق ءۇشىنشى اينالىمعا دەيىن جەتتى. ول مەكسيكانىڭ وكىلىنەن ۇتىلدى.

بۇگىن تاعى قوس جەرلەسىمىز جارىس جولىنا شىقتى. ولار – قايرات سارىمساقوۆ (74 كيلو) پەن بوتاگوز قاپانوۆا (57 كيلو).

سوڭعى جاڭالىقتار

ۇقساس جاڭالىقتار