ايماقتار • 17 مامىر، 2019

حالىقارالىق ستاندارتتارعا ساي ەت كومبيناتى سالىنادى

771 رەتكورسەتىلدى

قىزىلوردادا ەت كومبيناتى سالىنادى. بۇل ءوڭىردىڭ ازىق-ت ۇلىك قاۋىپسىزدىگىن نىعايتۋعا جانە ەت ونىمدەرىنىڭ ەكسپورتىن ارتتىرۋعا مۇمكىندىك بەرەدى.

- وبلىسىمىزدا يندۋستريالىق دامۋ باعدارلاماسى ناتيجەلى ىسكە اسىرىلىپ، ءوڭىردىڭ الەۋمەتتىك-ەكونوميكالىق دامۋى ءۇشىن وتە ماڭىزدى بىرقاتار ءوندىرىس ورىندارىنىڭ قۇرىلىستارى باستالدى. وبلىس ەكونوميكاسىن يندۋستريالاندىرۋ ماسەلەسى وتە ماڭىزدى بولعانىمەن، اۋىل شارۋاشىلىعى قاشاندا ەل ەكونوميكاسىن العا سۇيرەيتىن جەتەكشى سالانىڭ ءبىرى رەتىندە قالا بەرەدى. ەلباسىنىڭ تاپسىرماسىنا سايكەس قازىر ەلىمىزدە «ەتتى مال شارۋاشىلىعىن دامىتۋ» باعدارلاماسى قابىلدانىپ، ىسكە اسىرىلۋدا. وزدەرىڭىز بىلەتىندەي، 2016 جىلى وبلىس بۋفەرلىك ايماقتان شىعارىلىپ، ەت ەكسپورتتايتىن ايماقتاردىڭ قاتارىنا ەندى. دەگەنمەن، وبلىستا حالىقارالىق ستاندارتقا ساي ەت كومبيناتىنىڭ بولماۋىنان ءبىز بۇگىنگە دەيىن ءىرى قارا، قوي، تۇيە مالدارىن تىرىلەي ەكسپورتتاپ كەلدىك. بۇگىن ىرگەتاسىن قالاعالى وتىرعان ەت كومبيناتىنىڭ قۇرىلىسى ارقىلى ءبىز وبلىستىڭ ازىق-ت ۇلىك قاۋىپسىزدىگىن نىعايتىپ، ەت ەكسپورتىن ۇلعايتاتىن بولامىز،-دەدى ايماق باسشىسى.

وبلىس ورتالىعىندا سالىنىپ جاتقان كومبينات ۆاكۋمدىق قاپتامادا جىلىنا 5 مىڭ توننا تەرەڭ وڭدەلگەن ەت وندىرۋگە، سونداي-اق 25 ادامدى جۇمىسقا ورنالاستىرۋعا مۇمكىندىك بەرەدى. بۇدان باسقا، وسى جوبانى ىسكە اسىرۋ اۋىل شارۋاشىلىعى اينالىمىنا شامامەن 9 ملن.گەكتار جايىلىمدىق جەرلەردى اينالىمعا قوسۋعا جانە مىڭداعان اۋىل تۇرعىنى ءۇشىن تۇراقتى جۇمىس ورىندارىنىڭ اشىلۋىنا ءوز سەپتىگىن تيگىزەدى. ەت كومبيناتىنىڭ نەگىزگى ينۆەستورى – «سىر مارجانى» سەرىكتەستىگى، نىسان جىل سوڭىنا دەيىن اياقتالادى دەپ جوسپارلانىپ جاتىر.

بىلتىردىڭ وزىندە وبلىستان ەكسپورتقا وزبەكستان، يران، بىرىككەن اراب امىرلىگىنە جانە رەسەيگە 10،4 مىڭ باس قوي، 100 باس ءىرى قارا، 366 باس ءتىرى تۇيە جىبەرىلدى. سوڭعى جىلدارى وبلىستىڭ اۋىل شارۋاشىلىعى كەشەنى بويىنشا ەكسپورتتالاتىن ونىمدەر 3-تەن 15-كە دەيىن ارتتى.

سونىمەن قاتار، ايماقتا 2022 جىلعا دەيىن اگروكارتا ازىرلەنىپ، ونىڭ شەڭبەرىندە 2021 جىلعا قاراي اۋىل شارۋاشىلىعى ونىمدەرىنىڭ (ەت، كۇرىش، بالىق جانە باقشا ونىمدەرى) ەكسپورتىن 5 ەسەگە ۇلعايتۋ كوزدەلگەن. الداعى 3 جىلدا اۋىل شارۋاشىلىعى كەشەنىن دامىتۋ بويىنشا 76 جوبانى ىسكە اسىرۋ جوسپارلانۋدا. بۇل ءوز كەزەگىندە 500 استام جاڭا جۇمىس ورنىن اشۋعا مۇمكىندىك بەرەدى.


قىزىلوردا وبلىسى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

جامبىلدىق ەرىكتىلەر جاراپ تۇر

ايماقتار • بۇگىن، 16:30

ءسوز قاسيەتى – ەم قاسيەتى

قوعام • بۇگىن، 16:11

ۇستالىق – كيەلى كاسىپ

قازاقستان • بۇگىن، 16:05

قاراتاۋدى اڭساعان قىران

تانىم • بۇگىن، 15:54

ۇلىقتاردان ۇيات كەتتى

تانىم • بۇگىن، 15:42

اۋليەاعاش تۋرالى اڭگىمە

تانىم • بۇگىن، 15:38

اقمولا وبلىسىندا كارانتين

ايماقتار • بۇگىن، 15:22

ۇقساس جاڭالىقتار