KGIR-2019 قازاقستاندىق جانە شەتەلدىك ينۆەستورلار ءۇشىن ماڭىزدى ينۆەستيتسيالىق وقيعالاردىڭ ءبىرى بولا وتىرىپ، ءوز الاڭىندا 1100-دەن استام ءىرى الەمدىك جانە قازاقستاندىق كومپانيالاردىڭ باسشىلارىن، حالىقارالىق ساراپشىلار مەن مەملەكەتتىك ۇيىمداردىڭ وكىلدەرىن جينادى. ولاردىڭ ىشىندە 600-دەن استام 41 ەلدەن كەلگەن قوناقتار، سونداي-اق «Cisco»، «Nokia»، «CITIC Bank Corporation»، «WILO SE Group»، «AGCO Corporation»، «Valmont Industries»، «Tyson Foods»، «Yildirim Group» جانە تاعى باسقا ءىرى كومپانيالاردىڭ توپ-مەنەدجەرلەرى بار.

ءىس-شارا بارىسىندا قاتىسۋشىلار جالپى قۇنى 8،9 ملرد. اقش دوللارىن قۇرايتىن 45 كوممەرتسيالىق كەلىسىمدەرگە قول قويىلدى.

اتاپ ايتقاندا، گاز-حيميا سالاسىندا ماڭعىستاۋ وبلىسىنىڭ اكىمدىگى مەن «Westgasoil» كومپانياسى (سينگاپۋر) مەتانول جانە ولەفيندەردى ءوندىرۋ بويىنشا جوبانى جۇزەگە اسىرۋ بويىنشا ىنتىماقتاستىق تۋرالى كەلىسىمگە قول قويىلدى. جوبانى جۇزەگە اسىرىلۋى حيميا ونىمدەردىن ءوندىرۋىن ورنالاستىرىپ، ەلدىڭ گاز-حيميا كەشەنىن دامىتۋ ارقىلى يمپورت الماستىرۋدى قامتاماسىز ەتەدى.

ەكسپورتتى دامىتۋ ماقساتىندا «Yıldirim Holding» (تۇركيا) جانە جامبىل وبلىسىنىڭ اكىمدىگى جامبىل وبلىسىندا سودا ءوندىرۋ زاۋىتىنىڭ قۇرىلىسى تۋرالى كەلىسىمگە قول قويدى. زاۋىتتىڭ جىلدىق قۋاتتىلىعى 400 مىڭ توننا قۇرايدى.

بۇدان بولەك اۋىل شارۋاشىلىعى ونىمدەرىن ەكسپورتاۋعا باعىتتالعان جىلىجاي كەشەندەرىن سالۋ جوباسى بويىنشا «KAZAKH INVEST» ۇك» اق مەن رەسەي ينۆەستورى (اپح «ەكو-كۋلتۋرا») اراسىندا ءتيىستى كەلىسىم تۇزەلدى. سونداي-اق، تاماق ونەركاسىبىندە پاۆلودار وبلىسىنىڭ اكىمدىگى مەن Beijing NAALE GROUP (قىتاي) اراسىندا قانت زاۋىتىن سالۋ بويىنشا ىنتىماقتاستىق تۋرالى مەموراندۋمعا قول قويىلدى. بۇدان باسقا، ينۆەستور الماتى قالاسىنىڭ اكىمدىگىمەن كەلىسىمگە كەلىپ، الماتى قالاسىندا اليۋميني وندىرەتىن زاۋىتىن سالۋعا نيەت ءبىلدىردى.

كولىك جانە لوگيستيكا سالاسىندا «YDA Holding» (تۇركيا) تۇركىستان وبلىسىنىڭ اكىمدىگىمەن تۇركىستان وبلىسىندا حالىقارالىق اۋەجايىن سالۋ تۋرالى كەلىسىمگە قول قويدى. بۇل قازاقستان تاريحىنداعى جاڭادان سوعىلىپ جاتقان العاشقى اۋەجاي بولادى. كولىك سالاسىنداعى تاعى ءبىر جوبا - اقتوبە حالىقارالىق اۋەجايى بازاسىندا لوگيستيكالىق حابتى قۇرۋ. بۇل رەتتە، «KAZAKH INVEST» ۇك» اق مەن «AEON» كورپوراتسياسى (رەسەي فەدەراتسياسى) اراسىندا ءتيىستى مەموراندۋم تۇزەلدى. شەتەلدىك ينۆەستور رەسەيدىڭ 14 ايماقتىق اۋەجايلارىندا (نوۆوسيبيرسك، چەليابينسك، ۆولگوگراد، تومسك، استراحان، چيتا، تيۋمەن، پەرم، مۋرمانسك، كەمەروۆو، مينەرالنىە ۆودى، كالينينگراد، ۋلان-ۋدە، ۆلاديكاۆكاز جانە ت.ب.) باقىلاۋ پاكەتتەرىن باسقارادى. جوبا قازاقستانداعى قوسىمشا اۆياتسيالىق حابتى قۇرۋعا جانە ەۋروپا-ازيا باعىتىنداعى مۋلتيمودالدى جۇكتەردى تاسىمالداۋدىڭ جاڭا باعىتىن اشۋعا باعىتتالىپ، ەلىمىزدى ترانزيتتىك ءدالىز رەتىندە نىعايتۋعا مۇمكىندىك بەرەدى.

تاۋ-كەن مەتاللۋرگيا سەكتورىندا Canarax Trading LLC ء(باا) جانە پاۆلودار وبلىسىنىڭ اكىمدىگى ءىرى جوبانى ىسكە اسىرۋ تۋرالى كەلىسىمگە قول جەتكىزدى. تاراپتار قۋاتتىلىعى جىلىنا 165 مىڭ تونناعا دەيىن تەحنيكالىق كرەمني وندىرەتىن زاۋىتتى سالۋدى جوسپارلاپ وتىر. ءبىرىنشى كەزەڭدە 30 مىڭ توننا ءونىم شىعارۋ جوسپارلانۋدا. زاۋىت ونىمدەرى مەتالل قورىتپالارىن، ورگانيكالىق قوسىلىستار، ەلەكترونيكا جانە كۇن ەنەرگياسىن وندىرۋدە قولدانىلادى.

دەنساۋلىق ساقتاۋ سالاسىندا شىمكەنتتە 1000 ورىندىق يننوۆاتسيالىق كلينيكانىڭ قۇرىلىسى بويىنشا «وڭتۇستىك قازاقستان مەديتسينالىق اكادەمياسى» مەن «Shanghai Constructions Group» (قحر) اراسىندا مەموراندۋم تۇزەلدى. زاماناۋي تەحنولوگيالار بويىنشا جابدىقتالعان كلينيكا مەديتسينالىق قىزمەتتەردىڭ تولىق سپەكترىن ۇسىنىپ، ورتالىق ازياداعى پروتون تەراپياسىنىڭ جالعىز ورتالىعى بولادى دەپ جوسپارلانۋدا.

سونىمەن قاتار، ءبىلىم بەرۋ سالاسىندا ەلىمىزدىڭ ءۇش ايماعى نۇر-سۇلتان، الماتى جانە شىمكەنت قالالارىندا سينگاپۋرلىق ينۆەستور (Kinder World) «ءبىلىم مەتروپوليسىن سالۋ - مەكتەپ، كوللەدج، ۋنيۆەرسيتەت» جوباسىنىڭ جول كارتاسىنا قول قويدى. جاقىن ارادا نۇر-سۇلتان قالاسىندا حالىقارالىق مەكتەپتەر جەلىسى، كوللەدج جانە ءبىلىم بەرۋ كەشەنى سالىنادى.

بۇدان بولەك، دەرەكتەر ورتالىقتارىنىڭ قۇرىلىسى جانە قازاقستاندا 5G جوباسىن ىسكە اسىرۋ سەكىلدى جوبالار بويىنشا كەلىسىمدەرگە قول جەتكىزىلدى.

قر پرەمەر-ءمينيسترى ا.ءماميننىڭ ايتۋىنشا، ينۆەستيتسيالار - قازاقستان دامۋىنىڭ باستى فاكتورى. تاۋەلسىزدىك جىلدارىندا قازاقستان ەكونوميكاسىنا 300 ملرد. اقش دوللاردان استام ينۆەستيتسيالار قۇيىلدى.

 «بۇگىندە ەلىمىز شەتەلدىك ينۆەستورلار ءۇشىن اۋقىمدى مۇمكىندىكتەردى ۇسىنادى. ءبىزدىڭ ەكونوميكامىز ءۇشىن ينۆەستيتسيالاردىڭ ماڭىزدىلىعىن تۇسىنە وتىرىپ، ءبىز شەتەلدىك ينۆەستيتسيالاردى تارتۋ جونىندەگى ۇيلەستىرۋ كەڭەسىن قۇردىق، ماعان ينۆەستيتسيالىق ومبۋدسمەننىڭ مىندەتتەرى جۇكتەلدى. ارينە، بۇل بىزگە ينۆەستيتسيالىق قىزمەت بارىسىندا تۋىندايتىن ماسەلەلەردى جىلدام شەشۋگە جانە ينۆەستورلارمەن ءتيىمدى قارىم-قاتىناس ورناتۋعا مۇمكىندىك بەرەدى»، - دەدى ۇكىمەت باسشىسى KGIR-2019-دىڭ پلەنارلىق وتىرىسىندا.

ەلىمىزدىڭ ينۆەستيتسيالىق احۋالدان باسقا جەكەشەلەندىرۋ باعدارلاماسىنىڭ ودان ءارى ىسكە اسىرۋ جانە كومپانيالارىنىڭ IPO-عا شىعۋى، قارجى نارىعى مەن تەحنولوگيالاردى دامىتۋ، مەملەكەتتىك اكتيۆتەردى جەكەشەلەندىرۋ، سونداي-اق ەنەرگەتيكالىق جانە تاۋ كەن مەتاللۋرگيالىق كەشەندەرىنىڭ دامۋ قارقىنى تالقىلاندى. بۇدان بولەك، ماڭىزدى سۇراقتاردىڭ قاتارىندا قازاقستاننىڭ ازيا مەن ەۋروپا اراسىندا قۇرلىقتىق ساۋدا ءۇشىن كولىك جانە لوگيستيكا ورتالىعى رەتىندە كالىپتاسۋى، جاھاندىق ازىق-ت ۇلىك قاۋىپسىزدىگى جانە قازاقستاننىڭ اگروونەركاسىپتىك الەۋەتى.

KGIR-دى جالعاستىرا وتىرىپ اقش، ۇلىبريتانيا، گەرمانيا، فرانتسيا، جاپونيا، سينگاپۋر جانە وڭتۇستىك كورەيا سەكىلدى باسىم ەلدەردە ينۆەستورلاردى تارگەتتەۋ ءۇشىن بىرقاتار ءىرى ينۆەستيتسيالىق ءىس-شاراعا ۇيىمداستىرىلادى.

KGIR-2019 ۇيىمداستىرۋشىلارى – قر سىرتقى ىستەر مينيسترلىگى، «KAZAKH INVEST» ۇك» اق. كونتەنت بويىنشا سەرىكتەسى - Financial Times توبىنىڭ باسىلىمدارى (fDi Magazine، The Banker).