د.نازارباەۆا استانا فورۋمىنا تۇراقتى تۇردە قولداۋ كورسەتكەندەرى, اتاپ ايتقاندا, دىنارالىق سەزد بەن ونىڭ جۇمىس ورگاندارىنىڭ جۇمىسىنا تۇراقتى قاتىسقانى ءۇشىن ليۋتەران فەدەراتسياسى وكىلدەرىنە العىسىن ءبىلدىردى.
سەنات باسشىسى جۇزدەسۋشىگە ەلىمىزدىڭ تۇڭعىش پرەزيدەنتى ن.نازارباەۆتىڭ كونفەسسياارالىق جانە وركەنيەتارالىق ۇنقاتىسۋدى دامىتۋ ورتالىعى قۇرىلاتىنى تۋرالى حابارلادى. بۇل ورتالىق ءدىني كوشباسشىلاردىڭ استانا ءسامميتىنىڭ ماقساتتارى مەن مىندەتتەرىن حالىقارالىق ارەنادا ىلگەرىلەتۋ جانە فورۋمدى ينستيتۋتتاندىرۋ ىسىندەگى ماڭىزدى قۇرال بولادى. داريعا نازارباەۆا ليۋتەراندارعا ورتالىقتىڭ جۇمىسىنا قوسىلۋدى ۇسىندى.
تاراپتار اعىمداعى جىلدىڭ قىركۇيەگىندە وتەتىن الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ XVIII وتىرىسىنا دايىندىقتى تالقىلادى, وندا كەلەسى سەزدىڭ جانە ءدىني ليدەرلەر كەڭەسىنىڭ وتەتىن كۇنى مەن كۇن ءتارتىبى بەلگىلەنەدى.
دۇنيەجۇزىلىك ليۋتەران فەدەراتسياسىنىڭ باس حاتشىسى دىنارالىق ۇنقاتىسۋدى ىلگەرىلەتۋ جونىندەگى ەرەكشە تۇعىرناماعا قۇرعانى ءۇشىن قازاقستانعا العىسىن جەتكىزىپ, استانا فورۋمىن ودان ءارى قولداۋ جونىندەگى نيەتىن ءبىلدىردى. ول سونداي-اق دۇنيەجۇزىلىك ليۋتەران فەدەراتسياسىنىڭ جۇمىسى مەن جوسپارلارى, اتاپ ايتقاندا بوسقىندارعا قولداۋ كورسەتۋ, بىرىككەن ۇلتتار ۇيىمىمەن ىنتىماقتاستىق تۋرالى حاباردار ەتتى.
