قازاقستان تارتىمدى ەلدەر قاتارىندا

Global Muslim Travel Index – سين­گاپۋرلىق CrescentRating پەن Mastercard كومپانياسى بىرلەسە ءازىر­لەگەن, تۋريزم سالاسىنداعى جىل سايىنعى يندەكس. رەيتينگتى قۇرۋ كەزىندە ءتۇرلى كريتەريلەر ەس­كە­رىلەدى. ناقتىلاي ايتقاندا, رەي­تينگتى تۇزگەن كەزدە قولايلى ورتا, قاۋىپ­سىزدىك, ءدىني شەكتەۋلەر جانە كەلۋ­شىلەر سانى دەگەن تارماقتاردى قام­تيتىن «قورشاعان ورتا», مەيرام­حانا­لار, ناماز وقيتىن ورىندار, اۋەجاي, بىرە­گەي تۋريستىك تاجىريبە, قوناقۇي­لەر تارماقتارىن قامتيتىن «مۇ­سىل­مان­دارعا ارنالعان قىز­مەت­تەر», با­ي­لانىسۋ قولاي­لىلىعى, تسيفر­لى اق­پا­رات­تىڭ بولۋى, اق­پارات­تىق قامتۋ تار­ماق­تارىن قامتي­تىن «كوممۋنيكاتسيا» جانە كولىك­تىك قاتىناس, ۆيزالىق تال­اپ­تار, كولىكتىك ينفراقۇرىلىم تار­ماق­­تارىن قامتيتىن «قولجەتىم­دى­لىك» كورسەتكىش­تەرى نەگىزگە الىنادى.

بۇل رەيتينگ بويىنشا, قازاقستان بايلانىسۋ قولايلى­لى­عى, تسيفرلى اقپاراتتىڭ بولۋى جانە بىرەگەي تۋريستىك تاجىريبە كريتەريلەرى بويىنشا جوعارى كورسەتكىشتەرگە يە, الايدا قاۋىپ­سىزدىك, ناماز وقيتىن ورىندار جانە ءدىني شەكتەۋلەر تارماقتارى بويىنشا كەمشىلىكتەر بار. ايتا كەتۋ كەرەك, كورشىلەس ەلدەردە دە ءدال وسى كور­سەتكىشتەر بو­يىنشا كەمشى­لىك­تەر كەزدەسەدى.

«قازاقستان ءتۋريزمى ءۇشىن ماق­ساتتى نارىقتىڭ ءبىر بولىگى رەتىندە مالايزيا, يران, ءباا جانە تاياۋ شىعىستىڭ باسقا ەلدەرى انىقتالعان. 2018 جىلدىڭ ناتيجەلەرى بويىن­شا بۇل ەلدەردەن كەلۋشىلەر اعى­نى­نىڭ ءوسۋى بايقالادى ء(باا 50% ءوسىم), (مالايزيا 44% ءوسىم). سون­دىق­تان بۇل رەيتينگ – ءبىز ءۇشىن ما­ڭىز­دى باعدار», دەيدى «Kazakh Tourism» ۇلتتىق كومپانياسى باس­قار­ما توراعاسىنىڭ ورىنباسارى ق.سادۋاقاسوۆ.

IPK International كومپانياسى­نىڭ باعالاۋى بويىنشا, قازىرگى ۋاقىت­تا مۇسىلماندار ەڭ جىلدام ءوسىپ كەلە جاتقان ءدىني قاۋىم. 2030 جىلعا قاراي بۇكىل الەمنىڭ 25%-ىن مۇسىلماندار قۇراماق. مۇ­سىل­مان ەلدەردەن باسقا ەلدەرگە سايا­حاتتاۋ كورسەتكىشتەرىنىڭ ءوسۋى جىل سايىن 40% قۇرايدى. «Mastercard-CrescentRating» ءما­لى­مەتتەرى بويىنشا, 2018 جىلى مۇ­سىلمان ەلدەردەن ساياحاتتايتىن ادامداردىڭ جالپى سانى 140 ملن بولعان. بۇل كورسەتكىش بولجام بو­يىنشا 2026 جىلعا قاراي 230 ملن-عا دەيىن وسەتىن كورىنەدى. 2018 جىلى قازاقستانعا شەت ەلدەردەن 8,8 ملن ادام كەلگەن. ونىڭ 72,7%-ى مۇسىلمان ءدىنىن ۇستاناتىن ەلدەر­دەن, ياعني وزبەكستان, تۇركيا, ازەربايجان, يران جانە ت.ب. مەملەكەتتەردەن كەلگەن.