واوەى: ازياداعى ەكونوميكالىق دالىزدەردى دامىتۋدىڭ جاڭا باعىتى

ەكونوميكا • 17 مامىر، 2019

واوەى: ازياداعى ەكونوميكالىق دالىزدەردى دامىتۋدىڭ جاڭا باعىتى

شارا قازاقستاننىڭ ازيا دامۋ بانكىمەن ىنتىماقتاستىعىنىڭ 25 جىلدىعىن مەرەكەلەۋ جانە واوەى ەكونوميكالىق دالىزدەردى دامىتۋ باعدارلاماسىنىڭ جاڭا باستامالارىن ىسكە اسىرۋ شەڭبەرىندە ۇيىمداستىرىلدى. بۇل تۋرالى ۇلتتىق ەكونوميكا مينيسترلىگىنىڭ ءباسپاسوز قىزمەتى حابارلادى.

Marzhan Tileubekova

ۇلتتىق ەكونوميكا ۆيسە-مينيسترى ءمادي تاكيەۆ اتاپ وتكەندەي، قازاقستانمەن ىنتىماقتاستىق كەزەڭىندە ادب تۇراقتى تۇردە ەلدى دامىتۋعا، قارجىلىق سالانى، شاعىن جانە ورتا بيزنەستى قولداۋعا، الدىڭعى قاتارلى ينفراقۇرىلىم قۇرۋ مەن ادامي كاپيتالدى دامىتۋعا بەلسەندى تۇردە جاردەمدەسۋدە.

«بىز ادب-نىڭ وڭىرلىك ىنتىماقتاستىقتىڭ ماڭىزدىلىعىنا تۋريزم مەن ساۋدانى، اۋىل شارۋاشىلىعىن دامىتۋ، سونداي-اق جەكە سەكتوردىڭ قاتىسۋىن ارتتىرۋ، ءبىلىم مەن تاجىريبە الماسۋ ارقىلى اسا كوڭىل بولەتىنىنە زور قوشەمەتپەن قارايمىز. بۇگىنگى كۇنى قابىلدانعان واوەى 2030 ستراتەگياسىنىڭ ساۋدانى ۇلعايتۋ مەن ءارتاراپتاندىرۋ، باسەكەگە قابىلەتتىلىكتى ارتتىرۋ، ەنەرگيا كوزدەرىن جاڭعىرتۋ، دۇلەي اپات قاتەرلەرىن باسقارۋ، ءتۋريزمدى، اگروبيزنەستى، ءبىلىم بەرۋ مەن دەنساۋلىق ساقتاۋدى دامىتۋ جانە مۋلتيمودالدىق دالىزدەردى دامىتۋ باعىتتارى وڭ ناتيجە كورسەتتى»، ؛ دەدى ۆيسە-مينيستر.

ونىڭ ايتۋىنشا، واوەى 2030 جاڭا ستراتەگياسىنىڭ شەڭبەرىندە ماقۇلدانعان نەگىزگى وپەراسيالىق كلاستەردىڭ ءبىرى – ساۋدا، تۋريزم مەن ەكونوميكالىق دالىزدەردى دامىتۋ.

ۆيسە-مينيستر ءوز سوزىندە، واوەى-نىڭ ايماقتىق جوبالارى، اتاپ ايتقاندا، قازاقستان، وزبەكستان مەن تاجىكستان، الماتى-بىشكەك (ابەد) اراسىنداعى ەكونوميكالىق دالىزدەر تۋرالى ەگجەي-تەگجەيلى باياندادى.

«الماتى-بىشكەك ايماعىنداعى بىرلەسكەن ايماقتىق جوبالاردى ىزدەۋ مەن ىسكە اسىرۋ ماقساتىندا 2017 جىلى قازاقستاندىق-قىرعىز ۇكىمەتارالىق كەڭەسىنىڭ (ۇاك) 6-وتىرىسىنىڭ قورىتىندىسى بويىنشا ەكى ەل ۇكىمەتى ابەد جونىندەگى كىشى كوميتەت قۇردى»، دەدى م.تاكيەۆ.

2018 جىلعى قازاندا ادب قازاقستان، وزبەكستان جانە تاجىكستان ۇكىمەتىمەن بىرلەسىپ، «قازاقستان، وزبەكستان جانە تاجىكستان اراسىنداعى ەكونوميكالىق ءدالىزدى دامىتۋدىڭ الەۋەتىن باعالاۋ» اتتى تەحنيكالىق كومەكتى بەكىتتى. ول شىمكەنت، تاشكەنت، حۋدجاند قالالارىنا جانە ىرگەلەس تۇركىستان، تاشكەنت جانە سوعدى وبلىستارىنا نازار اۋدارۋ ارقىلى ەلدەردىڭ ەكونوميكالىق، الەۋمەتتىك جانە ساۋدا اسپەكتىلەرىن زەرتتەۋ، تالداۋ جانە باعالاۋعا ارنالعان.

«ادب مەن واوەى باعدارلاماسىنىڭ باستاماسىمەن قۇرىلعان الماتى-بىشكەك ەكونوميكالىق ءدالىزى – ەكونوميكالىق دالىزدەردىڭ جاڭا مودەلى جانە ايماقتىق ەكونوميكالىق ىنتىماقتاستىقتىڭ سەرپىندى جوباسى»، دەدى م.تاكيەۆ.

ۇلتتىق ەكونوميكا ۆيسە-مينيسترى ازيا دامۋ بانكىنىڭ وكىلدەرىن قازاقستان مەن ادب ىنتىماقتاستىعىنىڭ 25 جىلدىعىمەن قۇتتىقتادى.