جاس تاۋەلسىز مەملەكەتتىڭ قالىپتاسۋ تاريحىنا قىسقاشا شولۋ جانە ەكونوميكالىق مەن ساياسي سالالارداعى جەتىستىكتەردىڭ پرەزەنتاتسياسى جۋرناليستەرمەن كەزدەسۋىنىڭ ەرەكشەلىگى بولدى. تۇڭعىش پرەزيدەنت - ەلباسى نۇرسۇلتان نازارباەۆتىڭ تاريحي ءرولى باسا اتاپ ءوتىلدى.
ديپلوماتيالىق وكىلدىكتىڭ باسشىسى ەل ءۇشىن اسا ماڭىزدى جانە جاۋاپتى كەزەڭ قارساڭىندا كۇشتى, تابىستى, گۇلدەنگەن قازاقستاندى دامىتۋعا باعىتتالعان بارلىق كۇش-جىگەر باعىتتىڭ ساباقتاستىعىن ساقتاۋعا باعىتتالاتىنىن اتاپ ءوتتى.
ءىس-شارا بارىسىندا قاتىسۋشىلار قازاقستاننىڭ سايلاۋ زاڭنامالارىمەن, سايلاۋ الدىنداعى ناۋقانعا قاتىسۋشىلاردىڭ ومىرباياندارىمەن جانە تۇعىرنامالارىمەن, سونداي-اق قازاقستان ۇكىمەتىنىڭ سايلاۋعا دايىندىق پروتسەسىمەن تانىستى.
جەرگىلىكتى جۋرناليستەر مەن ساياساتكەرلەر ەلىمىزدە ءوتىپ جاتقان ساياسي جانە دەموكراتيالىق ۇدەرىستەر تۋرالى اقپاراتتى قىزىعۋشىلىقپەن قابىلدادى. ولاردىڭ پىكىرىنشە, قازاقستاندا وڭىرلىك كوشباسشى رەتىندە اشىق جانە ادال سايلاۋ وتكىزۋ لاتىن امەريكاسى ەلدەرىندە دە تالقىعا سالۋ ءۇشىن وتە وزەكتى تاقىرىپ بولىپ تابىلادى.
سونىمەن قاتار, جينالعاندار قازاقستان رەسپۋبليكاسى ورتالىق سايلاۋ كوميسسياسى جۇزەگە اسىراتىن شەتەلدىك جۋرناليستەر مەن حالىقارالىق بايقاۋشىلاردى تىركەۋ راسىمىنە, ەلەكتورالدى كەزەڭدە اقپاراتتىق كامپانيالاردى وتكىزۋ تۋرالى اقپاراتقا ەرەكشە نازار اۋداردى.
