سەنات دەپۋتاتى دينار نوكەتاەۆا تۇركيا ۇلى ۇلتتىق جينالىسى ۇيىمداستىرعان تۇركپا-نىڭ الەۋمەتتىك, مادەني جانە گۋمانيتارلىق ماسەلەلەر جونىندەگى كوميسسيانىڭ جەتىنشى وتىرىسىنا قاتىستى.
وتىرىستىڭ كۇن ءتارتىبىنىڭ نەگىزگى تارماعى «بۇۇ-نىڭ گەندەرلىك ماسەلەلەر جونىندەگى ورنىقتى دامۋ ماقساتتارى. تۇركپا-عا مۇشە ەلدەردەگى قازىرگى وتباسىلىق قۇندىلىقتاردىڭ مادەني ۇقساستىعى (زاڭناما بولاشاعى)» تاقىرىبىنا ارنالدى.
شاراعا قاتىسقان پارلامەنتشىلەر بۇۇ-نىڭ گەندەرلىك ماسەلەلەر جونىندەگى ورنىقتى دامۋ ماقساتتارى تۇرعىسىندا تۇركىتىلدەس ەلدەردەگى وتباسىلىق قۇندىلىقتار مەن مادەني بىرەگەيلىك ماسەلەلەرىن, سونداي-اق وسى سالاداعى ۇلتتىق ساياسات تۋرالى جان-جاقتى تالقىلادى, ۇلتتىق زاڭنامالاردىڭ كەلەشەگى مەن وسى سالاداعى ۇلتتىق جانە كوپجاقتى زاڭنامانى ۇيلەستىرۋ جونىندە بىرقاتار ۇسىنىستاردى ورتاعا سالدى.
قازاقستان تاراپىنان پارلامەنت سەناتىنىڭ دەپۋتاتى دينار نوكەتاەۆا مەن ءماجىلىس دەپۋتاتى جانات وماربەكوۆا ءسوز سويلەدى.
د. نوكەتاەۆا قازاقستاننىڭ گەندەرلىك, دەموگرافيالىق جانە وتباسىلىق ساياساتىنىڭ نەگىزگى ەرەجەلەرىن ءتۇسىندىردى. سەناتور قازاقستان گەندەرلىك تەڭدىككە قاتىستى بارلىق حالىقارالىق كونۆەنتسيالاردى راتيفيكاتسيالاعانىن, تۇركپا-عا مۇشە ەلدەردە مادەني وتباسىلىق قۇندىلىقتاردى جاڭعىرتۋدىڭ ماڭىزدىلىعىن اتاپ ءوتتى, ەلىمىزدەگى وتباسى ينستيتۋتىن نىعايتۋ جونىندە جۇرگىزىلىپ جاتقان رەفورمالار تۋرالى اڭگىمەلەدى.
ج.وماربەكوۆا ءبىلىم بەرۋدى دامىتۋعا جانە اۋىلدىق اۋماقتارداعى مۇمكىندىكتەردى كەڭەيتۋگە, اجىراسۋدىڭ دابىلدى دەرەكتەرىنە نازار اۋدارا كەلىپ, ءبىزدىڭ ەلىمىزدە وسى ماسەلەلەر بويىنشا ۇلتتىق جوبالار ازىرلەنىپ جاتقانىن اتاپ ءوتتى.
