جارىس قوجايىندارى رەتىندە ايتۋلى جارىسقا شۆەيتساريانىڭ قاتىساتىنى بەلگىلى. تاعى ەكى جولدامانى نۇر-سۇلتاندا جالاۋى جەلبىرەگەن ءبىرىنشى ديۆيزيون كوماندالارى اراسىنداعى الەم بىرىنشىلىگىندە العاشقى ەكى ورىندى ولجالاعان قازاقستان مەن بەلارۋس قۇرامالارى جەڭىپ الدى. سونىمەن قاتار, بۇل كۇندەرى سلوۆاكيادا ءوتىپ جاتقان الەم چەمپيوناتىندا رەسەي مەن گەرمانيا حوككەيشىلەرى ءدال سونداي قۇرمەتكە يە بولدى. ويتكەنى, ولار وسى جارىستا قاتارىنان ءتورت كەزدەسۋدە جەڭىسكە جەتىپ, ازىرگە ءوز توپتارىندا ءبىرىنشى ورىندى يەلەنۋدە. تىپتەن, قالعان ماتچتاردا تەگىستەي ۇتىلعان جاعدايدىڭ وزىندە ولار ەليتالىق ديۆيزيوندا قالادى.
ال كەلەسى جىلعى دۇنيەجۇزىلىك دوداعا قاتىساتىن قالعان كوماندالار سلوۆاكياداعى جارىستىڭ قورىتىندىسى بويىنشا انىقتالادى.
