الماتى وسكەمەندى باسىپ وزدى…
جۇما, 31 مامىر 2013 2:00
ەلىمىزدەگى ەڭ لاس قالالاردىڭ كوشىن قازىرگى تاڭدا الماتى مەن وسكەمەن باستاپ كەلەدى. بۇل رەتتە سوڭعى كەزدەرى ءبىزدىڭ وڭتۇستىك استانامىز شىعىس قازاقستاننىڭ ورتالىعىن دا ارتقا قالدىرىپ وتىر.
جۇما, 31 مامىر 2013 2:00
ەلىمىزدەگى ەڭ لاس قالالاردىڭ كوشىن قازىرگى تاڭدا الماتى مەن وسكەمەن باستاپ كەلەدى. بۇل رەتتە سوڭعى كەزدەرى ءبىزدىڭ وڭتۇستىك استانامىز شىعىس قازاقستاننىڭ ورتالىعىن دا ارتقا قالدىرىپ وتىر.
پروكۋرورلار تاياۋدا شىعىس قازاقستان ءوڭىرىنىڭ ەكولوگيالىق احۋالىن زەرتتەي كەلىپ, وندا وڭ وزگەرىستىڭ ەشقانداي سيپاتى بايقالمايتىنىن اتاپ كورسەتتى. التاي تاۋىنىڭ ەتەگىندەگى قالانىڭ الىپ ونەركاسىپ ورىندارى بۇرىنعى قۋاتىندا جۇمىس ىستەپ, ەڭىستەگى ەلدى مەندەلەەۆ كەستەسىندەگى بارلىق دەرلىك ەلەمەنتتەرمەن ۋلاۋدى توقتاتار ەمەس. ەكولوگتار سونىڭ ىشىندە ءسىلتى انگيدريدىنىڭ, كومىرتەگى مەن ازوت قىشقىلىنىڭ بارىنەن دە كوپ ەكەنىن انىقتادى. بۇلار جىلىنا اۋاعا 62 توننا كولەمىندە ۋلى قالدىق بولىپ جايىلادى ەكەن.
پروكۋرورلار قازىر وسىعان بايلانىستى قالانىڭ ءىرى كاسىپورىندارىن تەكسەرۋگە كىرىستى. وسىعان وراي ءتارتىپ بۇزۋشىلاردى وتە ءىرى كولەمدە ايىپپۇلدار كۇتىپ تۇر. دەگەنمەن, جاقىندا ەنگىزىلگەن سالىق كودەكسىندەگى وزگەرىستەرگە بايلانىستى مۇنى جاساۋ دا ءبىراز قيىندىق تۋعىزاتىن سياقتى.
«مىسالى, رەسەي فەدەراتسياسىنىڭ سالىق كودەكسىندە اۋانى لاستاۋشى 225 ءتۇرلى زاتتان وتەماقى الىنادى. ۋكراينادا دا ءدال وسىلاي. ال بىزدەگى ونداي زاتتاردىڭ سانى بار بولعانى 16 عانا. دەمەك, تابيعاتتى پايدالانۋشىلار تەك وسى 16 زات بويىنشا عانا سالىق تولەيدى. وسىنىڭ ءوزى ولاردان بيۋدجەتكە تۇسەتىن قۇيىلىمنىڭ ەداۋىر كەم بولۋىنا اپارىپ سوقتىرىپ وتىر», دەدى شىعىس قازاقستان وبلىسىنىڭ تابيعاتتى قورعاۋ ارنايى پروكۋرورى باقىتجان ىزعۇتتينوۆ.
قۇرىش نۇرىمبەت.
