ونىڭ اشىلۋىنا مەملەكەتتىك قاۋىپسىزدىك كوميتەتىنىڭ ارداگەرلەرى, ورازالى نيازبەكوۆتىڭ كوزىن كورگەن قىزمەتتەس شاكىرتتەرى مەن ۇلى مالىكايدار نيازبەكوۆپەن ونىڭ بالالارى, جاقىندارى كەلىپ ارنايى قاتىستى. العاشقى ءسوزدى ۇقك جامبىل وبلىستىق دەپارتامەنتى باستىعىنىڭ ورىنباسارى ت. قالعاەۆ الىپ, و.نيازبەكوۆ تۋرالى جىلى لەبىزىن ءبىلدىردى. شۋ اۋدانى اكىمى ج.ايتاقوۆ ايتۋلى شارانىڭ تاربيەلىك مانىنە توقتالىپ, مامىر ايىنداعى بارلىق مەرەكەلەرمەن قۇتتىقتادى. مالىكايدار اقساقال دا اكەسىن ارداقتاعان ارىپتەستەرى مەن ءىزباسارلارىنا العىسىن ايتىپ, ەل قاۋىپسىزدىگىنە قىزمەت ەتىپ جۇرگەن ساقشىلارعا باتاسىن بەردى. ورازالى اتامىزدىڭ نەمەرەسى دە ءسوز الىپ, ۇيىمداستىرۋشىلارعا العىسىن ايتتى.
جينالعان جۇرتشىلىق ەستەلىك سۋرەتكە ءتۇسىپ, اتالعان عيماراتتىڭ اۋلاسىنا تال-داراقتار وتىرعىزدى.
