جالپى, وبلىس بويىنشا, اتاپ ايتقاندا تەمىرتاۋ, بالقاش, ساران, شاحتينسك, پريوزەرسك, قاراجال قالالارىندا, اباي, بۇقار جىراۋ, قارقارالى جانە نۇرا اۋداندارىندا بۇل كۇنى 27 وتباسى باسپانالى بولدى.
– بۇل – ەڭ مەيىرىمدى جانە جارقىن مەرەكەلەردىڭ ءبىرى. وسىنداي كۇنى بەيبىتشىلىك پەن كەلىسىمدە ءومىر ءسۇرۋ ءبىزدىڭ حالقىمىزدىڭ ەڭ باستى بايلىعى ەكەنى ەرەكشە سەزىلەدى. ەلباسىنىڭ ارقاسىندا ەلىمىزدە ۇلتارالىق كەلىسىمنىڭ بىرەگەي ۇلگىسى, سەنىم, ىنتىماقتاستىق پەن ءوزارا تۇسىنىستىكتىڭ ەرەكشە احۋالى قالىپتاستى. ءبىزدىڭ كۇشىمىز وسىندا, – دەدى وبلىس باسشىسى.
باسپانالى بولىپ, قۋانىشى قوينىنا سىيماعان كوپ بالالى انا ايگۇل ابىشەۆا اتقارۋشى بيلىككە دەگەن ءوزىنىڭ العىسىن زور تەبىرەنىسپەن ايتتى.
– مەن وتە قۋانىشتىمىن. وسى كۇندى 19 جىل كۇتتىك, مىنە بۇگىن, وسىنداي جارقىن مەرەكەدە وبلىس اكىمىنىڭ قولىنان پاتەر كىلتىن الىپ وتىرمىز. مەنىڭ التى بالام بار, بۇگىنگى كۇنگە دەيىن پاتەر جالداپ تۇردىق, ءبىراز قينالدىق. بىراق ەندى بىزدە ءبارى جاقسى بولادى. وسىنداي سىيلىق ءۇشىن بارلىعىڭىزعا راقمەت! بۇل كۇن – ءبىزدىڭ وتباسى ءۇشىن ەستەن كەتپەس ەرەكشە كۇن بولىپ قالادى, – دەدى ول.
