اتىراۋ قالاسىندا وتكەن تۋرنيردە «باتىس» وڭىرلىك قولباسشىلىعىنىڭ 41433, 25744, 41321 جانە 30238 اسكەري بولىمدەرىنەن 4 كوماندا قاتىستى. كوماندا قۇرامى 7 ويىنشىدان قۇرالدى, ولاردىڭ 4 الاڭ ويىنشىلارى, 1 قاقپاشى جانە 2 قوسالقى ويىنشى.
تۋرنيرگە ۇدايى تۇردە سپورتپەن اينالىسىپ جۇرگەن اسكەري قىزمەتشىلەردىڭ 14 جاسقا تولماعان بالالارى قاتىستى. ونىڭ ناتيجەسىندە ءبىرىنشى ورىندى اقتوبەلىك 30238 اسكەري ءبولىمى, ەكىنشى ورىندى اقتاۋلىق 25744 اسكەري ءبولىمى, ال ءۇشىنشى ورىندى اتىراۋداعى 41433 اسكەري ءبولىمىنىڭ كوماندالارى يەلەندى. ءتۋرنيردىڭ ۇزدىك شابۋىلشىسى بولىپ 16 گول سوققان ءناتجان داۋلەت اتاندى.
-اسكەري قىزمەتشىلەردىڭ بالالارى اراسىنداعى فۋتبول ءتۋرنيرى ولاردى سالاۋاتتى ءومىر سالتىن ۇستانۋعا, دەنە تاربيەسى مەن سپورتتى دارىپتەۋ ماقساتىندا وتكىزىلدى. بيىل جارىس العاش رەت ۇيىمداستىرىلدى, ەندى جىل سايىن وتكىزىلەتىن بولادى, دەيدى «باتىس» وڭىرلىك قولباسشىلىعىنىڭ ءباسپاسوز قىزمەتىنەن كاپيتان رۋستەم يگيسينوۆ.
جەڭىمپاز كوماندا اۋىسپالى كۋبوكپەن ماراپاتتالسا, جۇلدەگەرلەر مەدال, گراموتا جانە فۋتبول دوپتارىمەن ماراپاتتالدى.
