سونىمەن قوسا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ماڭعىستاۋ وبلىسى بويىنشا فيليالى الەۋمەتتىك باعىت بويىنشا زەينەتاقى مەن جاردەماقىنىڭ 42 ءتۇرىن قامتىپ, تولەمدەر جۇرگىزىپ وتىر. اي سايىن رەسپۋبليكالىق بيۋدجەت ەسەبىنەن 5 ملرد تەڭگەدەن استام تولەمدەر جۇرگىزىلىپ كەلەدى. 2019 جىلدىڭ 1 قاڭتارىنان باستاپ الەۋمەتتىك تولەمدەر بويىنشا جىل سايىنعى ءوسىم جۇرگىزىلدى. «زەينەتاقى تولەمى 7%, بازالىق زەينەتاقى مەن جاردەماقى كولەمى 5%-عا ارتتىرىلدى. وسىلايشا, ماڭعىستاۋ وبلىسى بويىنشا 176501 مىڭعا تولەمنىڭ مولشەرى ءوستى», –دەيدى ماماندار.
ايتا كەتسەك, مەملەكەتتىك كورپوراتسيا قر تۇڭعىش پرەزيدەنتىنىڭ «ۇلت جوسپارى – 100 ناقتى قادام» باعدارلاماسىنىڭ ءجۇزىنشى قادامىن ورىنداۋ ماقساتىمەن قۇرىلىپ, جەكە جانە زاڭدى تۇلعالارعا مەملەكەتتىك قىزمەتتەردى «ءبىر تەرەزە» قاعيداتى بويىنشا جۇزەگە اسىراتىن بىرىڭعاي پروۆايدەر بولىپ تابىلادى. ونىڭ قۇرامىنا «حالىققا قىزمەت كورسەتۋ ورتالىعى» رمك, «جەر كاداسترى جانە جىلجىمايتىن م ۇلىكتى تەحنيكالىق تەكسەرۋ» جانە «الەۋمەتتىك تولەمدەردىڭ ۆەدومستۆوارالىق ەسەپ ايىرىسۋ ورتالىعى» رمك كىردى.
