باسقوسۋدا شىمكەنت قالالىق سوتى, قالالىق قازاقستان حالقى اسسامبلەياسى, قالالىق ادىلەت دەپارتامەنتى, «كاسىپوداقتار ورتالىعى» اۋماقتىق كاسىپوداقتار بىرلەستىگى, شىمكەنت قالاسىنىڭ نوتاريالدىق پالاتاسى, قالالىق ادۆوكاتتار القاسى اراسىندا قوعامنىڭ قۇقىقتىق تۇرعىدان دامۋىن جانە ۇزاق مەرزىمدى ءوزارا ءتيىمدى ىنتىماقتاستىعىن ورناتۋ ماقساتىندا مەموراندۋمعا قول قويىلادى.
ءىس-شارادا ءسوز سويلەگەن قالالىق سوتتىڭ توراعاسى ەربول راحىمبەكوۆ بەكىتىلگەن كەلىسىم نەگىزىندە تاراپتار حالىق اراسىندا ءتۇسىندىرۋ جۇمىستارىن جۇرگىزۋ, مەدياتسيانى قولدانۋ ارقىلى داۋلاردى شەشۋ كەزىندە ءوزارا ارەكەتتەسۋ بويىنشا بىرلەسكەن جۇيەلى جۇمىستار اتقاراتىنىن اتاپ ءوتتى.
ال, قالالىق قازاقستان حالقى اسسامبلەياسى توراعاسىنىڭ ورىنباسارى, اسسامبلەيا حاتشىلىعىنىڭ مەڭگەرۋشىسى ءمۇراتالى قالمۇراتوۆ كەشە نۇر-سۇلتان قالاسىندا وتكەن قحا-نىڭ XXVII سەسسياسىندا قازاقستاننىڭ تۇڭعىش پرەزيدەنتى مەملەكەتتىك ورگاندار جانىنداعى مەدياتسيا ينستيتۋتى مەن قوعامدىق كەڭەستەردىڭ جۇمىسىن جانداندىرۋ جونىندەگى تاپسىرما بەرگەندىگىن ايتىپ, بۇل باعىتتا اۋقىمدى مىندەتتەر كۇتىپ تۇرعانىن جەتكىزدى.
مەموراندۋمعا قول قويعان تاراپتار ىنتىماقتاسا وتىرىپ بىتىمگەرشىلىككە نەگىزدەلگەن حالقىمىزدىڭ ءداستۇرلى بيلەر تاعىلىمىمەن ساباقتاسىپ جاتقان بۇگىنگى مەدياتسيا جەلىسىن دامىتۋ, قوعامدىق كەلىسىم مەن جالپىۇلتتىق بىرلىك سالاسىنداعى مەملەكەتتىك ساياساتتى پايىمدى پاراساتتىلىقپەن ىسكە اسىرۋعا ازiرلiكتەرiن جەتكiزدi.
سونداي-اق, اشىق ەسىك كۇندەرىن وتكىزۋ, مەدياتسيا جەلىسىنىڭ تيىمدىلىگىن تۇرعىندارعا كەڭىنەن ناسيحاتتاۋ شارالارىن ودان ءارى جانداندىرۋ جايىن كەڭىنەن تالقىلادى.
ايتا كەتۋ كەرەك, بيىل شىمكەنت قالالىق «قوعامدىق كەلىسىم» مەكەمەسىندە قوعامدىق قابىلداۋ جۇرگىزەتىن, تۇرعىندار كەز-كەلگەن ماسەلەلەرىمەن جۇگىنە الاتىن مەدياتسيا كابينەتى جۇمىس ىستەيدى. قالا اۋماعىنداعى 7 مەدياتسيا ورتالىعىمەن ارىپتەستىك بايلانىس ورناتىلىپ, 50-دەن استام قوعامدىق مەدياتورلاردىڭ دەرەكقورى تۇزىلگەن.
شىمكەنت
