سامۇرىق-قازىنا» ۇاق» اق باسقارما توراعاسى احمەتجان ەسىموۆ جاڭا اۆياتاسىمالداۋشىنىڭ جۇمىسىن جوعارى باعالاپ, ونىڭ قازاقستانداعى اۆياتسيالىق سالاسىنداعى ماڭىزدىلىعىن اتاپ ءوتتى.
«اۆياتاسىمال نارىعىندا جاڭا ويىنشىنىڭ پايدا بولۋى جولاۋشىلارعا قىزمەت كورسەتۋ ساپاسىن جاقسارتۋعا مۇمكىندىك بەرەدى. بۇل لوۋكوستەردى قۇرۋ تۋرالى باستامانى ەلباسى قولدادى. FlyArystan قىزمەتتەرى مەن باعالارى كوپ ادامدار ءۇشىن اۋە تاسىمالى قىزمەتتەرىنىڭ قولجەتىمدىلىگىنە جانە وڭىرلەر اراسىنداعى موبيلدىلىكتى ارتتىرۋعا باعىتتالعان. العاشقى بيلەتتەردىڭ ساتىلىمى جۇرشىلىق اراسىندا وتە ۇلكەن قىزىعۋشىلىق تانىتتى. جۇمىستى وسى قالىپتا جالعاستىرۋ كەرەك. گەوگرافيالىق جانە ۇشۋ قارقىنىنىڭ كەڭەيۋى وڭىرلەردىڭ الەۋمەتتىك دامۋىنا وڭ اسەرىن تيگىزەدى»,- دەپ اتاپ ءوتتى ا. ەسىموۆ.
سونىمەن قاتار, «ەير استانا» اۆياكومپانياسىنىڭ پرەزيدەنتى پيتەر فوستەر ەندى قازاقستاندىقتار لوۋكوستەردىڭ كومەگىمەن ءجيى جانە ارزان باعاعا ساياحاتتاي الاتىنىن اتاپ ءوتتى.
«قازاقستاننىڭ ىشكى باعىتتارىمەن قاتار, ءبىز حالىقارالىق باعىتتاردا دا جولاۋشىلار تاسىمالىنىڭ ايتارلىقتاي ءوسۋىن كۇتىپ وتىرمىز. ويتكەنى, ۋاقىت وتە كەلە, ءبىز باسقا ەلدەرگە دە ۇشۋدى جوسپارلاپ وتىرمىز. وعان دەيىن ءبىز بۇكىل قازاقستان بويىنشا قولجەتىمدى رەيستەردى ۇسىنۋعا دايىنبىز جانە FlyArystan ايماقتىق ەكونوميكانىڭ دامۋىنا ەلەۋلى ۇلەس قوساتىنىنا سەنەمىز»,- دەدى پ. فوستەر.
اتاپ وتكەن ءجون, 2019 جىلدىڭ 29 ناۋرىزىنان باستاپ FlyArystan كومپانياسى الماتى-تاراز-الماتى جانە الماتى-ورال-الماتى باعىتتارى بويىنشا بيلەت ساتۋدى باستادى. سودان كەيىن, وڭتۇستىك استانادان نۇر-سۇلتان مەن قاراعاندىعا, ودان كەيىن الماتىدان پاۆلودارعا جانە شىمكەنتكە ۇشاتىن رەيستەردىڭ اشىلۋى تۋرالى جاريالادى. ءبىرىنشى قازاقستاندىق لوۋكوستەردىڭ رەيستەرىنە بيلەتتەردى flyarystan.com سايتىنان تابا الاسىز.
لوۋكوستەردىڭ قۇرىلاتىنى جايلى «ەير استانا» كومپانياسى 2018 جىلدىڭ 7 قاراشاسىندا مالىمدەدى. FlyArystan جاڭا تاسىمالداۋشىلارمەن جولاۋشىلار شەڭبەرىن كەڭەيتۋ ارقىلى جاڭا اۋديتوريا تارتۋدى جوسپارلاپ وتىر.
ايتا كەتەيىك, قازاقستان رەسپۋبليكاسىنىڭ ءبىرىنشى پرەزيدەنتى نۇرسۇلتان نازارباەۆ تۇرعىندارعا اۋە تاسىمالى قىزمەتتەرىنىڭ قولجەتىمدىلىگىن ارتتىرۋدىڭ ماڭىزدىلىعىن اتاپ ءوتتى جانە «ەير استانا» اۋە كومپانياسى بازاسىندا بيۋدجەتتىك اۋە كومپانياسىن قۇرۋدى تاپسىردى.
