باعدارلاماعا سايكەس كوپبالالى انالار ءۇشىن قۇنى 500 مىڭ تەڭگە تۇراتىن 100 گرانت بولىنگەن. «باقىتتى وتباسى – الماتى» قورى از قامتىلعان جانە كوپبالالى وتباسىلارعا 600 سەرتيفيكات تابىستاپ ۇلگەرىپتى. ونىڭ كوپشىلىگى كيىم-كەشەك, ازىق-ت ۇلىك, قاجەتتى ءدارى-دارمەكتەر الۋ ءۇشىن بەرىلگەن.
قىسقا مەرزىمدى كۋرستاردا ۆيزاجيست, تىگىنشى, شاشتاراز سەكىلدى 60-تان استام ماماندىق بويىنشا دايىندىقتان وتۋگە بولادى.
«كوپبالالى انالارعا, جاعدايى تومەن وتباسىنىڭ ايەلدەرىنە مەملەكەت تاراپىنان ۇدايى قامقورلىق كورسەتىلەدى. بىراق, ولاردىڭ كوپشىلىگى بۇل جايىنان حابارسىز بولعاندىقتان, قازىر ءبىز ءتۇسىندىرۋ جۇمىستارىن جۇرگىزۋدەمىز. «اتامەكەن», «دامۋ» قورلارىنىڭ وكىلدەرى دە انالارمەن كەزدەسىپ, ولارعا قارجىلاي قولداۋ كورسەتە الاتىندارىن جەتكىزۋدە» – دەيدى «باقىتتى وتباسى» قق قامقورشىلىق كەڭەسىنىڭ ساراپشىسى اقنۇر جۇماباەۆا.
