ۇكىمەت • 29 ءساۋىر، 2019

تاسقىنعا توسقىن ۋاقتىلى قويىلدى

738 رەت كورسەتىلدى

كەشە ۇكىمەتتە وتكەن ءباسپاسوز كونفەرەنتسياسىندا ىشكى ىستەر ءمينيسترىنىڭ ورىنباسارى يۋري يلين ەلدەگى سۋ تاسقىنى قاتەرىنىڭ الدىن الۋ بويىنشا اتقارىلعان جۇمىستاردىڭ ناتيجەلەرىن ايتىپ بەردى.

سۋ تاسقىنى بويىنشا جاع­داي بيىل جول كارتاسىن­دا كورسەتىلگەن كەشەندى شارالاردى ىسكە اسىرۋدىڭ ارقا­سىندا ويداعىداي ءوتتى. بۇل شارالار 2020 جىلى اياقتالادى. جەر­گىلىكتى اتقارۋشى ورگاندار سوعان ساي پروفيلاكتيكالىق جۇ­­مىستار جۇرگىزدى. قاراعاندى، اق­مولا وبلىستارىندا اۋقىم­دى جۇمىس اتقارىلدى. راس، كەيبىر جەكەمەنشىك اۋماقتار سۋ استىندا قالعان بولاتىن. ول جەرلەردە ارنايى قىزمەتتەر شۇعىل شارالار قابىلدادى»، – دەدى يۋ.يلين.

سولتۇستىك قازاقستان وبلىسىندا 21 ساۋىردە ەسىل وزەنى دەڭگەيىنىڭ كوتەرىلۋى سالدارىنان «چەليابينسك-نوۆوسيبيرسك» رەسپۋبليكالىق ماڭىزى بار اۆتوجولىنىڭ ۇستىمەن سۋ ءجۇر­دى. زارەچنىي كەنتىندەگى (پەتروپاۆل قالاسىنىڭ اۋما­­عىن­دا) تۇرعىن ۇيلەرگە قاۋىپ­تەن­گەن جوق. ءشۇلبى سۋ قوي­ماسىنان جوسپارلى سۋ اعى­زىلۋىنا بايلانىستى پاۆلودار وبلىسى باقىلاۋعا الىندى.

ونىڭ ايتۋىنشا، وتكەن جىلمەن سالىستىرعاندا، بيىل جاعداي تۇراقتى، قانداي دا ءبىر قيىندىق بولعان جوق. تەك ناۋ­رىز ايىنىڭ سوڭى مەن ءساۋىر ايىنىڭ باسىندا اقمولا وبلىسىندا عانا تۇراقسىز جاع­داي ورىن العان ەدى. جەدەل تۇردە تۇرعىندار قاۋىپسىز جەر­گە كوشىرىلدى، سۋ سورىپ شى­عارىلدى. قيراعان جانە اپاتتى جاعدايدا تۇرعان ۇيلەر ءتىر­كەلمەپتى.

ايتا كەتەيىك، سۋ تاسقىنى كەزەڭى باستالعانعا دەيىن تجد جەرگىلىكتى اتقارۋشى ورگاندارمەن بىرلەسىپ شارالار كەشەنىن قولعا العان. 11 مىڭ شاقىرىم ارىقتار مەن ارنالاردى تازالاۋ جۇمىستارى جۇرگىزىلدى. ەلدى مەكەندەردەن 12 ملن تەكشە مەتر قار شى­عارىلدى. اۆ­توموبيل جولدارىندا 33 مىڭ، تەمىرجولداردا 7 مىڭ سۋ وتكىزۋ قۇرىلىستارى تازارتىلدى. سۋ تاسقىنىنىڭ الدىن الۋ جانە سالدارىن جويۋ ءۇشىن 10 مىڭ توننا جانار-جاعارماي، 281 مىڭ توننا ينەرتتى ماتەريال، 1 ملن قاپ پەن 40 توننا جارىلعىش زاتتار قورى دايىندالدى.

سونىمەن قوسا، ءمينيستردىڭ ورىنباسارى جىل سايىن سۋ تاسقىنى قاۋىپسىزدىگىن ساقتاۋعا قاتىستى حالىقتىڭ بەلسەندىلىگى ارتىپ كەلە جاتقانىن جەتكىزدى.

توتەنشە جاعداي اۋماعىندا قالۋى مۇمكىن حالىقتى الدىن الا قۇلاقتاندىرعان ءبىزدىڭ بولىمشەلەردىڭ جۇمىسى ناتيجە بەردى. ويتكەنى ادامداردىڭ كوبى قاتەردى سەزىنىپ، باسپاناسىن سۋ تاسقىنىنان قورعاۋعا جانە شۇعىل ەۆاكۋاتسياعا ازىرلەۋ شارالارىن قابىلدايدى. ولار ەۆاكۋاتسيا جاعدايىندا الۋ ءۇشىن اسا قاجەتتى زاتتاردى – قۇجات­تارىن، اقشالارىن ال­دىن الا دايىنداپ قويادى تۇر­عىنداردىڭ قاي جەردە جينالاتىنىن بىلەدى، – دەدى ول.

يۋ.ءيليننىڭ پىكىرىنشە، تۇر­عىنداردىڭ بەلسەندىلىگى ادام شىعىنىنا جول بەرمەۋگە، تۇر­عىنداردى شۇعىل ەۆا­كۋا­تسيا­لاۋعا مۇمكىندىك جاسايدى.

بيىلعى 18 ناۋرىزدان باس­تاپ ءىىم بولىمشەلەرى تاسقىنعا قارسى جەدەل شتابتاردىڭ جۇمىسى كۇشەيتىلدى. اپاتتىق-قۇتقارۋ جۇمىستار مەن شۇعىل جۇمىستارعا 1000-نان استام ادام مەن 300-گە جۋىق تەحنيكا جۇمىلدىرىلدى.
سوڭعى جاڭالىقتار

جارىس پەن تابىس

ەكونوميكا • بۇگىن، 00:00

اقىلدىڭ ازابى

تاريح • كەشە

مەيرامحانالار جانە پاندەميا

كوروناۆيرۋس • كەشە

جۇرت جاعاجاي ىزدەپ ءجۇر

ايماقتار • كەشە

ۇقساس جاڭالىقتار