65 جاسقا تولۋىنا وراي كورەرمەندەرگە ۇسىنعان بۇل كورمەسىندە نيكولاي ۆوتكال ءوزى اينالىساتىن ءمۇسىن جانە سۋرەت ونەرى بويىنشا جاساعان ەڭبەكتەرىن قويىپتى. اسىرەسە, ونىڭ قولادان, اعاشتان, پلاستيكتەن, گيپستەن جاسالعان شاعىن مۇسىندەرى كورەرمەندەرىن ويعا تارتتى. ۆوتكالدىڭ قولىنان شىققان ءمۇسىندەردە بەينەلەنگەن كرىلوۆ شىعارمالارىنىڭ كەيىپكەرلەرىن كورەرمەندەر بىردەن بايقادى. ي.كرىلوۆ مىسالدارى قازاق ادەبيەتىنىڭ ءتول شىعارماسىنداي بولىپ كەتكەندىكتەن, قارعا مەن تۇلكىنىڭ بەينەسى اڭعالدىق پەن قۋلىق تۋرالى ايتا جونەلەتىندەي اسەر بەرەدى.
– شاعىن مۇسىندەردى بىرنەشە تاقىرىپقا ءبولدىم. سونىڭ ءبىرىن ەڭبەك تاقىرىبىنا ارنادىم. كەڭەس وداعى كەزىندە شىعارماشىلىقتان ەڭبەك تاقىرىبى تالاپ ەتىلەتىن. كەيىننەن ونىڭ ونەردە سولعىن تارتقانى راس قوي؟ مەن دە وسى ەڭبەك تاقىرىبىن شاعىن مۇسىندەردە كورسەتكىم كەلدى, – دەيدى الەكساندر نيكولاەۆيچ.
«ءۇشىنشى بولاسىڭ با؟», «ىسكە شىقتى» نەمەسە «جوعالعاندار» سەكىلدى جۇمىستارىندا ءمۇسىنشى ادام جانىن پسيحولوگيالىق تۇرعىدان اشا تۇسۋگە ۇمتىلادى. بۇل وڭاي جۇمىس ەمەس.
– جالپى ءمۇسىن جاساۋ – اۋىر جۇمىس. كەيىپكەردىڭ جان دۇنيەسىندەگى ويدى بەينەلەۋ قايدان جەڭىل بولسىن. قولامەن جۇمىس ىستەۋ ءتىپتى قيىن ءارى ارزان دا ەمەس. كەيىپكەرىمنىڭ ءبارى بىردەي جاعىمدى بولماۋى دا مۇمكىن. ەسەسىنە ناعىز ءومىردى شىنايى كورسەتۋگە ۇمتىلامىن, – دەيدى الەكساندر نيكولاەۆيچ.
قوستاناي
