ايماقتار • 24 ءساۋىر، 2019

قاراعاندى جاستارى Nur Otan پارتياسى ۇسىنعان كانديداتقا قولداۋ ءبىلدىردى

784 رەت كورسەتىلدى

كەنشىلەر استاناسىنداعى قاراعاندى مەملەكەتتىك تەحنيكالىق ۋنيۆەرسيتەتىندە «ەلىم ءۇشىن» اتتى جاستار فورۋمى ءوتىپ، وعان وبلىستىڭ بارلىق جوعارى وقۋ ورىندارى مەن كوللەدجدەرىنىڭ ستۋدەنتتەرى، ۇكىمەتتىك ەمەس جاستار ۇيىمدارىنىڭ بەلسەندىلەرى، شىعارماشىل جانە جۇمىسشى جاستار، سپورتشىلار قاتىستى.

فورۋمدا «قازاقمىس» كورپوراتسياسىنىڭ جاس قىزمەتكەرى الديار قازكەن ءسوز الىپ، ستۋدەنت جاستاردى Nur Otan پارتياسىنىڭ كەزەكتەن تىس ءحىح سەزىندە قازاقستان رەسپۋبليكاسى پرەزيدەنتىنىڭ سايلاۋىنا ۇسىنىلعان كانديداتتى قولداۋعا شاقىردى.

– قاراعاندى وبلىسى ەلىمىزدىڭ ەكونوميكالىق جانە ساياسي تىرەگى. ءبىز كەنىشتەردە، شاحتالاردا جانە كارەرلەردە جۇمىس ىستەيتىن جەرلەستەرىمىزدىڭ ەڭبەك جەتىستىكتەرىن ماقتان تۇتامىز. وسىنداي تولايىم تابىستاردىڭ  بارلىعىنا ءاربىر قازاقستاندىقتىڭ ادال ەڭبەگىنىڭ ارقاسىندا قول جەتكىزىلدى. مەن وسى فورۋمدا "قازاقمىس" كورپوراتسياسىنىڭ جۇمىسشى جاستارىن تانىستىرۋ ابىرويىنا يە بولعانىمدى ماقتان تۇتامىن. ءبىز Nur Otan پارتياسىن قولدايمىز. تۇڭعىش پرەزيدەنت تاڭداعان ۇمىتكەر ەلباسىنىڭ سارا جولىن جالعاستىراتىنىنا سەنىمدىمىز، – دەدى ول.

فورۋم قاتىسۋشىلارى قازاقستاندا وسكەلەڭ ۇرپاقتىڭ جان-جاقتى ءبىلىم الۋىنا جانە وزدەرى قالاعان جۇمىسقا ورنالاسۋىنا، الەمنىڭ جەتەكشى وقۋ ورتالىقتارىندا بىلىكتىلىكتەرىن ارتتىرۋىنا بارلىق جاعدايدىڭ جاسالعانىن ماقتانىشپەن ايتتى. ستۋدەنت جاستار الداعى بولاتىن پرەزيدەنتتىڭ كەزەكتەن تىس سايلاۋى ەل ەكونوميكاسىنىڭ دامۋىنا جانە ىشكى كەلىسىمدى نىعايتۋعا جاڭا سەرپىن بەرەتىندىگىن اتاپ ءوتتى.

جيىن بارىسىندا ءسوز سويلەگەن قارمتۋ-دىڭ ستۋدەنتى اۋەن تۇرعىمباەۆا جاستاردى پرەزيدەنت سايلاۋى سىندى جاۋاپتى ساياسي ناۋقانعا ءبىر كىسىدەي قاتىسۋعا ۇندەدى.

– ەلباسى ساياساتىنىڭ ارقاسىندا ءبىز الەمدىك ارەنادا ەركىن باسەكەلەسە الاتىن بەدەلدى مەملەكەت قۇردىق. جاستاردىڭ سايلاۋعا قاتىسۋى – ولاردىڭ ازاماتتىق تۇرعىدا جەتىلگەندىگىنىڭ، الەۋمەتتىك جاۋاپكەرشىلىك پەن پاتريوتتىق سەزىمدەرىنىڭ جوعارى دەڭگەيدە ەكەندىگىنىڭ بىردەن-ءبىر كورسەتكىشى. ءبىز سايلاۋعا بەلسەندى تۇردە قاتىسۋىمىز كەرەك، – دەدى ستۋدەنت.

كەزىندە ەلباسىنىڭ ءوزى ءبىلىم العان جوعارى وقۋ ورنىندا وتكەن «ەلىم ءۇشىن» جاستار فورۋمىنىڭ جۇمىسى وبلىستىڭ شىعارماشىلىق ۇجىمدارى مەن ستۋدەنتتەرىنىڭ قاتىسۋىمەن ۇيىمداستىرىلعان كونتسەرتپەن تۇيىندەلدى.


قاراعاندى وبلىسى


سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار