اتالعان سەميناردا الماتىدان كەلگەن Social Farm تۇراقتى ەگىنجاي ورتالىعىنىڭ ماماندارى ءدارىس ءوتتى. نەگىزگى ماقسات – مەملەكەتتىك قولداۋ باعدارلامالارىن ءتۇسىندىرۋ جانە زاماناۋي تەحنولوگيالارمەن تانىستىرۋ. ماجىلىسكە قالاداعى جانە ءتۇرلى كووپەراتيۆتەردىڭ مۇشەلەرى جانە قالا تۇرعىندارى قاتىستى.
بۇگىنگى تاڭدا شاھاردا 62 مىڭ گەكتار اۋىل شارۋاشىلىعى باعىتىنداعى جەر بار. وسى اۋماق ىشىندە قالادا 48 كووپەراتيۆ قۇرىلعان. ەندىگى ماسەلە قايتا وڭدەۋ سالاسىن دامىتۋ باستى نازاردا دەيدى سالا ماماندارى.
سەميناردا ءسوز العان «شىمكەنت قالاسىنىڭ اۋىل شارۋاشىلىعى كووپەراتيۆتەرى جانە ءونىم وندىرۋشىلەرى» قاۋىمداستىعىنىڭ توراعاسى ەركىن ساتقانباەۆتىڭ پىكىرىنشە شىمكەنتتە ەت ءوندىرۋ, باۋ-باقشا, كوكونىس وسىرۋگە باسىمدىق بەرىلىپ وتىر. 6-8 سوتتىق جەرى بار قالا تۇرعىنى ەڭ الدىمەن ءوزىنىڭ وتباسىن قامتاماسىز ەتۋ كەرەك. ول ءۇشىن ءتۇرلى تەحنولوگيالاردى ۇيرەنىپ اۋلاسىنا كوكونىس وسىرگەن ءجون.
قالالىق اۋىل شارۋاشىلىعى كووپەراتيۆتەرىنىڭ الەۋەتىن ارتتىرۋ ءۇشىن قايتا وڭدەۋ سالاسىنا كوڭىل ءبولىپ, اۋىل شارۋاشىلىعى بەلدەۋىن قۇرىپ, حالىقتى ازىق-ت ۇلىكپەن قامتاماسىز ەتۋگە بولادى, دەيدى قاۋىمداستىق توراعاسى.
قازىرگى تاڭدا شاھاردا اۋىل شارۋاشىلىعىن دامىتۋ كونتسەپتسياسى دايىندالىپ, ستراتەگياسى دا جاسالعان. ەندىگى ماقسات 136 گەكتار اۋماقتى قامتيتىن اگرو-يندۋستريالدى ايماق قۇرۋعا كۇش سالۋ.
قۋانتارلىعى, ىسكەر ازاماتتار ءۇشىن اگرو-يندۋستريالدى ايماقتان تەگىن جەر بەرىلىپ, شارۋاشىلىققا كەتكەن شىعىننىڭ 25 پايىزىن ۇكىمەت وتەپ بەرمەك.
