ساتىلىمعا جيىرما لوت شىعارىلىپ, 14-ءى ءوز يەلەرىن تاپتى. اعىلشىن ادىسىمەن وتكەن اۋكتسيونعا زاڭدى تۇلعالارمەن قاتار جەكە ادامدار دا قاتىسۋعا مۇمكىندىك الدى. بارلىعى 36 قاتىسۋشىدان ءوتىنىش ءتۇسىپ, اۋكتسيوننىڭ تالاپقا ساي ءوتۋ بارىسىن كاسىپكەرلەر پالاتاسىنىڭ وكىلدەرى باقىلادى.
«جەر قاتىناستارى سالاسىنداعى ۇيلەسىمدىلىكتى قامتاماسىز ەتۋ, جەمقورلىقتى ەڭسەرۋ ماقساتىمەن تۇسكەن وتىنىشتەر جان-جاقتى سارالانىپ, سودان كەيىن عانا اۋكتسيون وتكىزۋ رۇقسات بەرىلدى. جەر ۋچاسكەلەرى اشىق تۇردە ۇسىنىلدى», دەيدى وبلىستىق كاسىپكەرلەر پالاتاسى ديرەكتورىنىڭ ورىنباسارى جەڭىس قازيەۆ.
قالانىڭ ءار اۋماعىندا ورنالاسقانۋ جەر تەلىمدەرى بەس جىلعا جالعا بەرىلىپ, كوممەرتسيالىق ماقساتقا عانا قولدانىلادى. اۋماعى 0,1 گا جەر ۋچاسكەسىنىڭ باستاپقى باعاسى 174,6 مىڭ تەڭگە بولسا, 3 ميلليون تەڭگەگە ساتىلدى. ەڭ قىمبات لوت وسى بولدى. جەر ۋچاسكەسىن جالعا الۋ قۇقىعىن يەلەنگىسى كەلگەندەر اراسىندا اۋكتسيون تارتىستى ءوتتى.
ناتيجەسىندە 2,0739 گەكتار جەر ۋچاسكەسى 8,5 ميلليون تەڭگەگە باعالاندى.
