«اتىراۋ-اقپارات» مەديا حولدينگىنە قاراستى «اتىراۋ» جانە «پريكاسپيسكايا كوممۋنا» وبلىستىق گازەتتەرى مەن «سەرپەر», «كەڭ جىلوي», «ماقات تىنىسى» سياقتى 7 اۋداندىق گازەتتىڭ باس رەداكتورلارى مەن تىلشىلەرى ەل گازەتىندە ەكى كۇن بويى بولىپ, ءوزارا تاجىريبە الماستى, شەبەرلىك ساعاتتارىنا قاتىستى.
باس باسىلىم باسشىسى د.قىدىرالى اتالعان باسقوسۋدىڭ قازىرگى اقپارات نارىعىنداعى باسەكەلەستىك جاعدايىندا ماڭىزى زور ەكەنىن اتاپ ءوتىپ, ءداستۇرلى باسىلىمداردىڭ ساپالى كونتەنتىن قالىپتاستىرۋ باعىتىنداعى مەديامەنەدجمەنتكە قاتىستى ويلارىمەن ءبولىستى. سونداي-اق «Egemen Qazaqstan» رەسپۋبليكالىق گازەتى مەن «اتىراۋ-اقپارات» جشس باسشىلارى ءوزارا ارىپتەستىك تۋرالى مەموراندۋمعا قول قويىپ, الداعى ۋاقىتتا دا ەكىجاقتى تىعىز قارىم-قاتىناس ورناتۋعا ۋاعدالاستى.
«وتانىمىزدىڭ شالعاي شەتىندەگى ءوڭىر رەتىندە بىزگە وسى ىسپەتتى كاسىبي بايلانىستاردىڭ بەرەرى مول», دەيدى اتىراۋلىق ارىپتەستەر.
