مەديتسينا • 23 ءساۋىر، 2019

5 ميلليون ادام جۇقپاعا قارسى ەگىلەدى

563 رەت كورسەتىلدى

الماتىداعى «ينتەرفاكس-قازاقستان» ءباسپاسوز ورتالىعىندا وتكەن جيىندا جۇقپالى دەرتتەردىڭ الدىن الۋ ماسەلەلەرى جان-جاقتى باياندالدى.

ءباسپاسوز ءماسليحاتىنا قازاقستانداعى ۆاكتسينولوگيا سالاسىنىڭ بەلگىلى عالىمدارى مەن ماماندارى قاتىستى.

قانداي دا بولماسىن الەۋمەتتىك جانە مەديتسينالىق ءىس شارالاردى باعالاۋ بارىسىندا ونىڭ قوعامدىق دەنساۋلىق سالاسىنا، سونىمەن قاتار مەملەكەتتىڭ دەموگرافيالىق كورسەتكىشتەرىنە تيگىزەتىن اسەرى ەسكەرىلەدى.

دۇنيەجۇزىلىك دەنساۋلىق ساقتاۋ ۇيىمىنىڭ مالىمدەۋىنشە، ۆاكتسيناتسيا جىل سايىن 2،5 ميلليون ادامدى اۋرۋ-سىرقاۋ مەن ءولىم-جىتىمنەن اراشالايدى. جەر شارىندا 14 ۆاكتسينامەن باسقارىلاتىن جۇقپاعا قارسى ەگۋ شارالارىن قاجەتتى 95% دەيىن قامتىعان جاعدايدا تاعى دا 2 ميلليون بالانىڭ ءومىرىن الىپ قالۋعا بولادى ەكەن.

قازاقستانننىڭ ۇلتتىق ەگۋ كەستەسى اياسىندا جىل سايىن 5 ميلليون ادام، ونىڭ ىشىندە 1،3 ميلليون بالا 21 جۇقپاعا قارسى ەگۋمەن قامتىلادى، ونىڭ ىشىندە ءبىر بولىگى ياعني ا ۆيرۋستى گەپاتيتكە، تۇماۋعا، تۋليارەميا جانە ءسىبىر جاراسىنا قارسى ۆاكتسينالار جەرگىلىكتى بيۋدجەت اياسىندا قامتاماسىز ەتىلەدى.

رەسپۋبليكالىق بيۋدجەتتەن جىل سايىن شامامەن 27 ميلليون قاراجات وسى ماقساتقا جۇمسالادى.

– ەگۋ كەستەسى بارلىق مەملەكەتتەردە بار جانە بالالار پەرزەنتحانالاردان باستاپ ەگۋمەن قامتاماسىز ەتىلەدى، ونىڭ ىشىندە ەپيدەميولوگيالىق احۋالعا بايلانىستى ۆ گەپاتيتىنە، تۋبەركۋلەز بەن سال اۋرۋىنا قارسى ۆاكتسينا الادى. مەملەكەتىمىزدە ەپيدەميولوگيالىق احۋالدىڭ جاقسارۋىنا بايلانىستى پەرزەنتحانادا جاسالاتىن پوليوميەليتكە قارسى ەگۋ جۇمىستارى 2008 جىلدان باستاپ بالا 12-15 ايعا تولعاندا جاسالىناتىن بولدى. ال ەندى ەپيدەميولوگيالىق احۋالى ءالى دە ناشار نيگەريا، پاكستان مەن اۋعانستان ەلدەرىندە جاعداي تۇزەلگەننەن كەيىن، بۇكىل الەم قارا شەشەك ەكپەسىنەن باس تارتقان سياقتى، پوليوميەليت اۋرۋىنا قارسى ەگۋدەن باس تارتۋ شارالارى بىرتىندەپ جۇرگىزىلەدى، دەيدى سەەجم عپو فيليالىنىڭ جۇقپالى اۋرۋلاردى الدىن الۋ باسقارماسىنىڭ باستىعى مانار سماعۇل.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار