قوعام • 23 ءساۋىر، 2019

NIS – قازاقستاندىق ءبىلىم جۇيەسىنىڭ برەندى

584 رەت كورسەتىلدى

«نازارباەۆ زياتكەرلىك مەكتەپتەرى» دببۇ ءباسپاسوز قىزمەتى ماسكەۋدەن جەڭىسپەن ورالدى.

«NIS: قازاقستاندىق ءبىلىم جۇيەسىنىڭ برەند-امباسسادورى» جوباسى رەسەيدە وتكەن حالىق­ارالىق بايقاۋدىڭ «ايماقتى ىلگەرىلەتۋ» اتالىمى بويىنشا جەڭىمپاز اتاندى. قۇرامىنا كوممۋنيكاتسيا سالاسىنداعى بەلگىلى رەسەيلىك ساراپشىلار مەن تاجىريبەلى ماماندار كىرگەن قازىلار القاسى NIS-ءتىڭ وتاندىق زياتكەرلىك برەند جانە الەمدىك پەداگوگيكانىڭ ءساتتى درايۆەرى رەتىندە اقپاراتتىق جانە PR ىلگە­رىلەتۋدەگى جۇمىسىن جوعارى باعالادى.

بەدەلدى بايقاۋعا رەسەي، ۋكراينا، بەلارۋس جانە قازاق­ستاننان 500-دەن استام جوبا قاتىس­تى. بۇل جوبالاردىڭ بار­لىعى ەكونوميكا، ساياسات، مادە­نيەت جانە جالپى كوممۋنيكاتسيا سالاسىندا بەلگىلى برەند سانالادى. NIS ءباسپاسوز قىزمەتىمەن بىرگە نوميناتسيانىڭ شورت-تىزىمىنە ۆولوگود وبلىسىنىڭ ينۆەستيتسيالىق كومپانياسى، رەسەيدىڭ تانىمال يندۋستريالىق برەندتەرىنىڭ ءبىرى – ترۋبالىق مەتاللۋرگيالىق كومپانياسى ەنگەن بولاتىن. الايدا، NIS-ءتى حا­لىقارالىق دەڭگەيدە ىلگەرىلە­تۋدەگى اۋقىمدى، كرەا­تيۆتى جانە جۇيەلى جۇمىستارى ءۇشىن، سونىڭ ىشىندە «كەمبريدج ساعاتىندا – استانا ۋاقىتى»، «NIS جاڭاراتىن ەنەرگياسى»، «ءسۇيىنشى، CIS، كەمبريدج، NARIC!»، «روبوتتار الەمدى باعىندىرادى!» سىندى تاقىرىپتىق مەديالىق جانە PR جوبالارى ءۇشىن قازاقستاندىقتار جەڭىمپاز اتاندى. زياتكەرلىك مەكتەپتەردى شەتەلدەردە ناسيحاتتاۋدا ەرەكشە نازار Media Relations، Public Relations، Government Relations، Investor Relations، Community Relations ين­تەگراتسيالانعان اقپاراتتىق ءجا­­نە PR جوبالارىنا اۋدارىلدى.

– جالپى كوممۋنيكاتسيانىڭ زاماناۋي جۇيەسىندە ەڭ جوعار­عى پيلوتاج – ەلدى تانۋعا باعىت­تالعان PR. ءبىز NIS-ءتى وتاندىق ينتەل­لەكتۋالدىق برەند رەتىن­دە حا­لىقارالىق دەڭگەيدە ىلگەرى­لەتۋگە قوسقان ەڭبەگىمىز ءۇشىن قۋانىشتىمىز، – دەپ اعىنان جا­رىلدى «نازارباەۆ زياتكەرلىك مەك­تەپتەرى» دببۇ ءباسپاسوز قىز­مە­تىنىڭ جەتەكشىسى ميرا الي­پينوۆا.

سوڭعى جاڭالىقتار

ۇقساس جاڭالىقتار