ايماقتار • 23 ءساۋىر، 2019

كاسىپورىندار دا شەت قالمايدى

489 رەت كورسەتىلدى

شىمكەنتتەگى «وڭتۇستىك» ارنايى ەكونوميكالىق ايماعىندا ورنالاسقان «الەم بت» جشس كاسىپورنىندا قالالىق ءماسليحات دەپۋتاتتارى مەن جەڭىل ونەركاسىپ سالاسىنىڭ قىزمەتكەرلەرىنىڭ قاتىسۋىمەن كەزەكتەن تىس وتەتىن پرەزيدەنتتىك سايلاۋدى تۇسىندىرۋگە باعىتتالعان ۇنقاتىسۋ الاڭى ۇيىمداستىرىلدى.

وتاندىق ءونىم وندىرۋدە كوش­باس­شى كاسىپورىنداردىڭ ءبىرى اتان­عان «الەم بت» مەكە­مەسى ەلى­مىز­دەگى شەشۋشى ساياسي ناۋ­قان­داردان شەت قالعان ەمەس. قاي­تا وعان بەلسەندى قاتى­سىپ كەلەدى.

حالىق قالاۋلىلارىمەن بىرلەسىپ وتكىزىلگەن جيىندا دا اتالعان ەڭبەك ۇجىمى ەلدەگى الەۋ­مەتتىك جانە ساياسي كەلىسىمدى قامتاماسىز ەتۋ، الەۋمەتتىك-ەكونوميكالىق مىندەتتەر مەن باعدارلامالاردى ويداعىداي ىسكە اسىرۋ تۋرالى ويلارىن ورتاعا سالدى. سونداي-اق قالا­لىق ءماسليحات دەپۋتاتتارى وتان­دىق جانە سىرتقى ساياساتتا بەيبىتشىلىك پەن تۇراقتىلىقتى قامتاماسىز ەتۋ قۇرالى رەتىندە الداعى سايلاۋدىڭ ماڭىز­دىلىعىن ءتۇسىندىردى.

ماسەلەن، باسقوسۋدا ەلبا­سى كوشىن باستاپ، تۇعىرىن بيىك­تەت­كەن تاۋەلسىزدىكتىڭ ارقا­سىن­دا ەلىمىزدىڭ ءار وڭىرىندە جاڭا ەكونوميكالىق ايماقتار قۇرىل­عانى، ەل الەۋەتىنىڭ ءوسىپ كەلە جاتقانى، ال پرەزيدەنتتىك سايلاۋ رەسپۋبليكامىزداعى ءاربىر ازامات ءۇشىن وتە ماڭىزدى ناۋقان ەكەنى اتاپ كورسەتىلدى. ءوزىن وسى ەل مەن جەردىڭ يەسى ساناعان ءاربىر قازاقستاندىق­تىڭ ساياسي ناۋقانعا بەل­سەنە اتسالىسۋى، سايلاۋدا شى­نايى داۋىس بەرۋى قاجەت. قالا­لىق ءماسليحات دەپۋتاتتارى مەن جەڭىل ونەركاسىپ سالاسىنىڭ قىزمەت­كەرلەرىمەن وتكەن كەزدەسۋدە وسى ماسەلەلەرگە باسا ءمان بەرىلدى.

سونىمەن قاتار ۇنقاتىسۋ الاڭىندا كاسىپورىن باسشىلارى كەزەكتەن تىس سايلاۋعا دايىندىق جۇمىستارىنىڭ تىڭ­عىلىقتى جۇرگىزىلىپ جاتقانىن اي­تىپ، ساياسي ماڭىزى زور ناۋقانعا ساتتىلىك تىلەدى.

 

شىمكەنت

 

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار