1953 جىلى قۇرىلعان WorldSkills قىزمەتىنە بۇگىنگى تاڭدا 77 ەل قاتىسادى.
22 - 26 ءساۋىر ارالىعىندا ەلوردادا WorldSkills – 2019 ايماقتىق چەمپيوناتى باستالادى.
WorldSkills چەمپيوناتى كوللەدج ستۋدەنتتەرى مەن كاسىپورىنداردىڭ 18-22 جاس ارالىعىنداعى جاس ماماندارى اراسىندا ءتۇرلى قۇزىرەتتىلىكتەر بويىنشا وتەدى. «مەديتسينالىق جانە الەۋمەتتىك كۇتىم» قۇزىرەتتىلىگى بويىنشا جارىستار 23 - 25 ءساۋىر ارالىعىندا نۇر-سۋلتان قالاسى اكىمدىگىنىڭ شجق «جوعارى مەديتسينالىق كوللەدجى» مكك بازاسىندا وتكىزىلەدى. وسى قۇزىرەتتىلىك بويىنشا ەلوردالىق مەديتسينالىق كوللەدجدەرىنىڭ 5 ستۋدەنتى سايىسقا تۇسەدى.
بايقاۋ قورىتىندىلارى مەن قالالىق چەمپيوناتتىڭ جەڭىمپازدارىنىڭ ەسىمدەرى 26 ساۋىردە انىقتالادى. جەڭىمپازدار WorldSkills Kazakhstan -2019 ۇلتتىق چەمپيوناتىنا قاتىسۋعا مۇمكىندىك الادى.
